«Тарих төріндегі Тараз» тақырыбында ALEM 3 курс танымдық дәрісі

Қазақстан Республикасының Мәдениет және ақпарат министрлігі Мәдениет комитетінің «Ежелгі Тараз Ескерткіштері» мемлекеттік тарихи-мәдени музей-қорығының қызметкерлері Тараз қаласында орналасқан «ALEM» кәсіби білім беру колледжінде

3 курс студенттеріне танымдық дәріс оқыды.

Танымдық дәрістің мақсатын және ескерткіштердің құндылығын әрі мән-мағынасын ғылыми қызмет бөлімінің мамандары Мадина Мананбайқызы мен Гүлмарал Үшкемпірқызы айтып түсіндірді. Ең алдымен көне дәуірлердің естелігі, үлкен руханият орталығы болған, екі мың жылдан астам тарихы бар Тараз шаһарының тарихына тоқталып өтті. Содан соң музей-қорығына қарасты Республикалық маңызы бар 30 тарихи-мәдени ескерткіштерінің қайталанбас тарихымен, кесенелерге қатысты әртүрлі аңыз, әңгімелермен таныстырды. Сондай-ақ, дәріс барысында студенттерге «Көне Тараз» ашық аспан астындағы саябағында жүргізілген археологиялық жұмыстар кезінде табылған қала орны мен құнды жәдігерлердің тарихымен таныстырды.

12 Қыркүйек 2023 view

162

Кезекті мониторинг жұмыстары

2023 жылдың 1 қыркүйегінде «Ежелгі Тараз ескерткіштері» мемлекеттік тарихи-мәдени музей-қорығының қызметкерлері Тараз қаласында орналасқан Республикалық маңызы бар тарих және мәдениет ескерткіштерінің жай-жапсарын білу мақсатында кезекті мониторинг жұмыстарын жүргізді. Тарих және мәдениет ескерткіштердің қатарында: Әбдіқадыр мешіті, Әулие ата (Жүнісбай) мешіті, Қали Жүніс моншасы, Жамбыл Жабаев ескерткіші, Тектұрмас кесенесі, Талас өзенінен өтетін ортағасырлық көпірдің қирандылары және Жікіл қалашығы бар.

01 Қыркүйек 2023 view

160

«Тарих тағылымы – қасиетті құндылық»

Қазақстан Республикасы Мәдениет және спорт министрлігінің Мәдениет комитетіне қарасты «Ежелгі Тараз ескерткіштері» мемлекеттік тарихи-мәдени музей-қорығының қызметкерлері «Тарих тағылымы – қасиетті құндылық» тақырыбындағы танымдық бағдарлама аясында Тамыз конференциясының Алматы, Шымкент, Қостанай қалаларынан келген мамандарына Тараз қаласынан 18 шақырым жерде орналасқан, 62 түрлі ою-өрнекпен көмкерілген Айша бибі кесенесінде дәріс өткізді. Сонымен қатар, дәріс барысында Айша бибі кесенесінің жанынан бой көтерген, он алты қырлы күмбезді ескерткіш, еліміздегі бірегей тарихи қазынаның бірі – Бабаджа хатун кесенесінің де тарихына тоқталды. Қонақтар өз қызығушылықтарын білдіріп, әр-түрлі сұрақтар қойды.

24 Тамыз 2023 view

167

I Жазғы мектебінің ашылуы

Ағымдағы жылдың 22–23 тамыз күндері Түркістан облыстық Мәдениет басқармасының ұйымдастыруымен«Ұлы Дала елі» орталығында музей мамандарының I Жазғы мектебінің ашылуы өтті.

Жазғы мектептің ашылу салтанатына ҚР Мәдениет және спорт министрлігі Музейлер басқармасының басшысы Гүлзейнеп Пазылова мен Түркістан облыстық Мәдениет және туризм басқармасы басшысының орынбасары Асылхан Темірханұлы қатысып, қатысушыларға сәттілік тіледі. Министрлік өкілі Гүлзейнеп Анафияқызы арнайы баяндама дайындап, министрлік тарапынан қабылданған нормативтік-құқықтық актілерді түсіндіріп, музей мамандарының сұрақтарына жауап берді. Сонымен қатар, философия ғылымдарының докторы, профессор Гүлмира Шалабаева «Мыңжылдықтар тоғысындағы музей», ҚР Орталық музейінің директоры Рашида Харипова «Біздің команда: проблеманы еңсеру арқылы жетістіктерге жету жолдары», ҚР Ұлттық музейінің бас қор сақтаушысы Бәтеш Ақпасова «Біз білуге тиісті 10 қағида: Музейдің қор сақтау қызметін қалай ұйымдастырамыз?», Еуразия ғылыми-зерттеу институтының аға ғылыми қызметкері Алмас Жүнісбай «Ғылыми жоба: идеядан іске асыруға дейін», «Болашақ» бағдарламасының түлегі Еділ Оспанов «Академиялық жазылым» тақырыбында шеберлік дәрістерін өткізді.

Аталмыш жазғы мектепке Қазақстан Республикасы Мәдениет және спорт министрлігінің Мәдениет комитетіне қарасты «Ежелгі Тараз ескерткіштері» мемлекеттік тарихи-мәдени музей-қорығының қызметкерлері Сара Құрманова мен Айдана Жанбосынова қатысты. Жазғы мектептің екінші күні соңында қатысушыларға сертификаттар табысталды.

Елімізде алғаш рет ұйымдастырылып отырған республикалық I Жазғы мектептің басты мақсаты – музей мамандары үшін жаңа әдістемелік алаң қалыптастыру, мамандардың біліктілігін арттыру, кәсіби байланыс орнату және идеяларды кәсіби мамандармен бірге талқылауға мүмкіндіктер жасау.

24 Тамыз 2023 view

166

Мәди Мәтен арнайы жиналысы

Бүгін Жамбыл облысы әкімі аппаратының басшысы Мәди Мәтен арнайы «Ежелгі Тараз ескерткіштері» мемлекеттік тарихи-мәдени музей-қорығына жергілікті жауапты сала мамандарының басын қосып, кеңесті. Аталмыш жиналыста біршама шешімін табуы тиіс өзекті мәселелер көтеріліп, ойға алынды. Өңіріміз талай ғасырлық тарихымен, тарихы тереңде жатқан орындарымен әйгілі. Оның ішінде, республикалық маңызы бар тарихи және мәдени ескерткіштер болса, облыстық маңызы бар ескерткіштер де жетерлік. Оларды қорғап, сақтап қалу бағытында түйінді мәселелер бар екендігі ерекше айтылды.

17 Тамыз 2023 view

182