«Ордабасы – көне тарих куәсі» көрмесі

Құрметті БАҚ өкілдері, Жамбыл облысының тұрғындары мен қонақтары!

Сіздерді 2023 жылдың қазан айының 20 күні, «Ордабасы» ұлттық тарихи-мәдени музей-қорығының ұйымдастыруымен, «Ордабасы – көне тарих куәсі» тақырыбында өтетін көшпелі көрмені тамашалауға шақырамыз!

«Ордабасы» ұлттық тарихи-мәдени музей-қорығының 30 жылдығы аясында өткізіліп жатқан көрмеде, тамырын тереңге жайған қасиетті Ордабасы өңірінің ескерткіштері, музей қорындағы көне тас дәуірінен бастап, ерте қола дәуірі, Сақ, Қаңлы, Түргеш, Қарахан дәуірінің құнды жәдігерлері, Қазақ хандығы тұсындағы және Тәуелсіздік жылдарындағы Ордабасы тарихы туралы мәлімет берілетін болады.

Көрме Жамбыл облысының тұрғындары мен қонақтарына 1 күн көлемінде насихатталатын болады.

Өтетін орны: «Ақыртас» сәулет-археологиялық кешені.

16 Қазан 2023 view

192

ХАЛЫҚАРАЛЫҚ ОНЛАЙН ДӘРІС 10 қазан

2023 жылдың қазан айының 10-шы жұлдызында Қазақстан Республикасы Мәдениет және ақпарат министрлігіне қарасты «Ежелгі Тараз ескерткіштері» мемлекеттік тарихи-мәдени музей-қорығы «Анкара» университетінің студенттеріне музей-қорықтың құрылғанына 25 жыл толу мерейтойына орай «Ұлттық тарихи-мәдени мұраны сақтау мен Халықаралық деңгейде насихаттау» тақырыбында халықаралық онлайн дәріс өткізді. Дәрістің мақсаты: Ұлы Жібек жолы бойында орналасқан Тараз қаласының әлемдік мәдениетке қосқан үлесі, орны мен рөлі, Тараздың ежелгі және ортағасыр археологиясының зерттелу тарихын сараптау, талдау көзделген. Сонымен қатар дәріс барысында Жамбыл өңірінің республикалық маңызы бар мұралар тізіміне енген тарихи-мәдени ескерткіштердің тарихы мен аңыз әпсаналарына тоқтала өтіп, насихаттау болып табылады. Онлайн дәріс жұмысы келесі бағыттарды қамтиды:

• Рухани танымның түп негізі – Көне Тараз;

• Қасиет қонған Әулиеата (Қарахан);

• Айша бибі кесенесі: аңыз бен ақиқат;

• Шығыс үлгісінде салынған Қали Жүніс моншасы.

Дәріс қазақ, түрік және ағылшын тілдерінде жүргізілді.

Онлайн дәріске Анкара университетінің "Тіл және тарих-география факультетінің" меңгерушісі, профессор Абдулла Гундогду және студенттер қатысты. Профессор Абдулла Гундогду дәріс соңында өзінің жылы лебізін және үлкен алғысын білдірді. Студенттер де өз қызығушылықтарын танытты.

10 Қазан 2023 view

182

«Ботай» мемлекеттік тарихи-мәдени музей-қорығының 5 жылдық мерейтойы

«Ежелгі Тараз ескерткіштері» мемлекеттік тарихи-мәдени музей-қорығының қызметкерлері Мадина Мананбайқызы Ибадильдаева мен Ақнұр Сағитжан «Ботай» мемлекеттік тарихи-мәдени музей-қорығының 5 жылдық мерейтойына орай ұйымдастырылған «Қазақстандағы археологиялық зерттеулер: тарих, тенденциялар, проблемалар, перспективалар» тақырыбындағы Халықаралық ғылыми-тәжірибелік конференцияға қатысты. Конференция барысында ғылыми қызметкер Мадина Мананбайқызы «Қазақстан археологиясының зерттеу тарихы мен бүгінгі дамуы» тақырыбында баяндама жасады. Баяндамада Тараз қалашығында бірнеше ғасырлар бойы зерттеу жұмысын жүргізген археологтардың ерен еңбегі мен Жамбыл облысындағы музей-қорыққа қарасты Республикалық маңызы бар тарих және мәдениет ескерткіштері туралы мағлұмат берді.

05 Қазан 2023 view

276

Қызылорда облысының құрылғанына 85 жыл толуына байланысты жылжымалы көрме

Жамбыл облыстық тарихи-өлкетану музейіне қарасты Көркемсурет галереясында Қызылорда облысының құрылғанына 85 жыл толуына орай Қызылорда облыстық тарихи-өлкетану музейі қорында сақталған құнды жәдігерлерден «Сыр өңірі – Түркі өркениетінің алтын бесігі» тақырыбында жылжымалы көрме Тараз жұртшылығының назарына ұсынылды. Жылжымалы көрме қазан айының 12-ші жұлдызына дейін көрсетіледі. Жылжымалы көрмеде б. з. д. 4–2 мыңжылдықтарды қамтитын Шірік-Рабат қалашығының алтын әшекей бұйымдары, Х–XVIII ғасырлар аралығында өмір сүрген Сығанақ қалашығының алтындары, VII–XI ғасырлардағы оғыздар пайдаланған Жанкент қыш бұйымдары қойылған.

05 Қазан 2023 view

193

1 қазан Халықаралық қарттар күні (2023)

Қазақстан Республикасының Мәдениет және ақпарат министірлігіне қарасты «Ежелгі Тараз ескерткіштері» мемлекеттік тарихи-мәдени музей-қорығының қызметкерлері 1 қазан Халықаралық қарттар күніне орай «№ 1 арнаулы әлеуметтік қызметтер ұсыну орталығы» коммуналдық мемлекеттік мекемесінің ардагерлеріне «Бабадан қалған қолтаңба» тақырыбында жылжымалы көрме жасақталып, «Тарих төріндегі Тараз» тақырыбында танымдық дәріс оқыды. Дәріс барысында ардагерлерге Республикалық маңызы бар 30 тарихи-мәдени ескерткіштерінің қайталанбас тарихымен, кесенелерге қатысты аңыз, әңгімелермен таныстырды.

Сондай-ақ ардагерлер назарына археологиялық қазба жұмыстары нәтижесінде табылған жәдігерлер ұсынылды. Атап айтсақ, әр кезеңге жататын мәдени қабаттан табылған қыш бұйымдар мен металдан жасалған бұйымдардың мерзімі, жасалу техникасы мен пайдалану мақсаты түсіндірілді.

03 Қазан 2023 view

172