News
“Ежелгі Тараз ескерткіштері” мемлекеттік тарихи-мәдени музей қорығына қарасты «Бабаджа Хатун» кесенесіне бүктеме парағы дайындалды.
Ақпаратты ұсынушы “Ғылыми қызмет және ескерткіштерді қорғау” бөлімінің қызметкерлері. Көркемдік тұрғыдан безендірген “Қор сақтау және есепке алу” бөлімінің дизайнері - Г. С. Әбдібекова.
11 Jul 2025
70
Ежелгі Тараз ескерткіштері тарихи-мәдени музей-қорығының қызметкерлеріне интернет алаяқтықтың алдын алу мақсатында ақпараттық түсіндіру шарасы өтті.
Шара барысында:
• Интернет арқылы жасалатын алаяқтықтардың түрлері,
• Қорғану жолдары туралы кеңестер берілді.
Мақсат – құқықбұзушылықтың алтын алып, қоғамда киберқауіпсіздік туралы түсінікті арттыру.
Қауіпсіздігіңіз – өз қолыңызда!
10 Jul 2025
69
Тұңғыш Президент Қорының YouTube арнасындағы Qazaq Quest жобасына Ежелгі Тараз ескерткіштері тарихи-мәдени музей-қорығының экскурсоводы Фариза Жұмағұлова сұхбат беріп, арнайы түсірілімге қатысты.
Жобада музей-қорыққа қарасты:
• Айша бибі,
• Бабаджа хатун,
• Қарахан баба
• және Дәуітбек кесенелері жайлы құнды әрі тың деректермен бөлісті.
Толық түсірілімді төмендегі сілтеме арқылы көре аласыз: https://youtu.be/G4Yude1yvYw?si=xSeLzt9ISuqJtCnk
10 Jul 2025
93
Бүгін Астана қаласындағы Қазақстан Республикасы Ұлттық музейінде Ғылым және жоғары білім министрлігі Ғылым комитетінің өкілінің қатысуымен мәдениет саласындағы ғылыми-зерттеу жобаларын жүргізуге бейінді ұйымдарға ғылыми жобалар мен бағдарламаларды қалыптастыру тәртібін түсіндіру мақсатында семинар өтуде.
Аталған шараға «Ежелгі Тараз ескерткіштері» мемлекеттік тарихи-мәдени музей-қорығының «Ғылыми қызмет және ескерткіштерді қорғау» бөлімінің басшысы Ұлжалғас Шаизхан қатысып, кәсіби тәжірибесін тереңдетіп, өз білімін шыңдап жатыр.
Семинарға Министрлікке қарасты музейлер мен музей-қорықтардың ғылыми-зерттеу жұмыстарына жауапты мамандары, сондай-ақ жергілікті атқарушы органдардың мәдениет саласындағы ғылыми жобаларды жүзеге асыратын қызметкерлері де қатысуда. Бұл бастама еліміздегі мәдени мұраларды зерттеу, сақтау және дамыту жолындағы маңызды қадамдардың бірі болып табылады.
09 Jul 2025
75
Батыс Қазақстан облысы, Орал қаласынан келген қадірлі қонақтарымыз Көне Тараз ашық аспан астындағы археологиялық кешеніне келіп, ежелгі қазба жұмыстары нәтижесінде табылған жүздеген тарихи жәдігерлермен танысты.
Қонақтар Х ғасыр мен ортағасырлық өркениет белгілерін көріп, Тараздың мыңжылдық тарихына ерекше ықыласпен үңілді. Қыш құмыралар, шырағдандар, хум ыдыстары, темір және әшекей бұйымдар – барлығы да халқымыздың терең тамыры мен рухани мұрасының айғағы.
“Біз тарихпен бетпе-бет кездескендей болдық”, – деген әсермен бөлісті меймандар.
Сіз де ежелгі Тараздың тылсым тарихына үңіліп, өткеннің үнін сезінгіңіз келсе – бізге келіңіз!
09 Jul 2025
89
Page 1 of 182