News
ЮНЕСКО-ның Алматыдағы Өңірлік кеңсесінің ұйымдастыруымен Қазақстанның жетекші музейлері мен мемлекеттік орган өкілдері қатысқан дөңгелек үстел өтті. Кездесу музей саласын дамытуға бағытталған стратегиялық ұсынымдарды талқылауға арналды.
Музей-қорық директоры Нұржан Мергенбайұлы іс-шара барысында Жамбыл облысында 2014 жылы ЮНЕСКО-ның Бүкіләлемдік мұра тізіміне «Жібек жолы: Чаньань-Тянь-Шань дәлізі бағыттарының желісі» номинациясы бойынша енгізілген Ақтөбе, Қостөбе, Құлан, Өрнек және Ақыртас архитектуралық-археологиялық кешендерінің қазіргі жағдайы мен проблемалық мәселелерін атап өтіп, жаңа жобаны таныстырып, қысқаша былай деді:
«Ақыртас – ЮНЕСКО-ның Бүкіләлемдік мұра тізіміне енген бірегей тарихи ескерткіш, 150 жылдан бері зерттеушілер үшін сырын толық ашпаған құндылық. Архитектуралық құрылымы мен ауқымы жөніндегі ғылыми пікірталастарға қарамастан, нысанға келушілер саны жыл сайын артып келеді. Қазіргі таңда аумақта туристерге қызмет көрсететін заманауи визит-орталық жұмыс істейді.
Бүгін біз мұраны жаңа деңгейде таныстыруға бағытталған инновациялық жобаны ұсынамыз – Akyrtas Digital Pavilion. Бұл интерактивті медиахаб иммерсивті технологиялар, AR/VR тәжірибелері, 3D модельдеу және медиарезиденциялар арқылы білім, ғылым және инновацияны біріктіріп, Ақыртас мұрасын цифрлық форматта кеңінен насихаттауға мүмкіндік береді».
12 Dec 2025
38
“Ежелгі Тараз ескерткіштері” мемлекеттік тарихи-мәдени музей-қорығы тағы бір зор жетістікке қол жеткізді! Музей-қорықтың “Ғылыми қызмет және ескерткіштерді қорғау” бөлімінің кіші ғылыми қызметкері Гүлмарал Үшкемпірқызының еңбегі «Бабаджа хатун кесенесінің құрылысы мен зерттелу тарихы» атты ғылыми мақаласы халықаралық “ULY DALA MURASY” журналында жарық көрді! Тарих жаңғырып, мұраларымыздың дауысы алысқа жетсін! https://ulydalamurasy.kz/?journal=main
09 Dec 2025
95
Бүгін «Ежелгі Тараз ескерткіштері» тарихи-мәдени музей-қорығы Жамбыл инновациялық жоғары колледжінде “Ежелгі Тараздағы қолөнер мен зергерлік бұйымдары” тақырыбында жылжымалы көрме ұйымдастырды.
Көрме барысында студенттер көне дәуірдегі қолөнер үлгілерімен, зергерлік әшекейлердің жасалу технологиясымен және Тараз өңірінің мәдени мұрасымен жақынырақ танысты. Шараның мақсаты – жастарға тарихи құндылықтарды насихаттау және ұлт мұрасының маңызын таныту
05 Dec 2025
90
Қазақстан Республикасы Мәдениет және ақпарат министрлігі Мәдениет комитетінің қарамағындағы «Ежелгі Тараз ескерткіштері» тарихи-мәдени музей-қорығы М.Х. Дулати атындағы Тараз университетімен екі жақты ынтымақтастық туралы меморандумға қол қойды.
Кездесу барысында басқарма төрағасы – ректордың уақытша міндетін атқарушы Сейтжан Әуесжанұлы Орынбаев пен музей-қорық директоры Нұржан Мергенбайұлы Мергенбай тарихи-мәдени нысандарды бірлесе дамыту, ғылыми-зерттеу жұмыстарын күшейту, жастардың тарихқа деген қызығушылығын арттыру, сондай-ақ нарыққа жаңа өнімдерді шығару бағытындағы бірлескен жобаларды жүзеге асыруға ниетті екендерін атап өтті.
Аталған меморандум екі тарапқа тәжірибе а лмасуға, ғылыми экспедициялар ұйымдастыруға, студенттердің практикалық сабақтарын өткізуге, сондай-ақ бірлескен конференциялар мен мәдени іс-шараларды жүзеге асыруға кең мүмкіндік береді.
05 Dec 2025
93
«Ежелгі Тараз ескерткіштері» мемлекеттік тарихи-мәдени музей-қорығының «Ғылыми қызмет және ескерткіштерді қорғау» бөлімінің тарихшысы Ақдидар Жәнібекқызы М. Х. Дулати атындағы Тараз университетінің «Құқықтану» мамандығының 2 курс студенттеріне «Жазылбек Қуанышбаев және қазақ халқының дәстүрлі мал шаруашылығы» тақырыбында мазмұнды дәріс өткізді.
Кездесу барысында Жазылбек Қуанышбаевтың елге сіңірген еңбегі, қазақтың дәстүрлі мал шаруашылығының ерекшеліктері, сондай-ақ бұл саланың ұлттық мәдениет пен тарихтағы маңызы кеңінен түсіндірілді.
05 Dec 2025
89
Page 1 of 199