Жаңалықтар
Ағымдағы жылдың 26-28 маусым күндері Ежелгі Олимпия қаласының мэрі Георгиос Георгиопулос бастаған грек делегациясы Тараз қаласына келді. Аталмыш іс-шараға Тараз қаласы әкімі Бақытжан Әмірбекұлы қатысты. Грек делегациясына Қазақстан Республикасы Мәдениет және спорт министрлігінің Мәдениет комитетіне қарасты «Ежелгі Тараз ескерткіштері» мемлекеттік тарихи-мәдени музей-қорығының еншісіндегі Қарахан, Дәуітбек кесенелеріне және «Көне Тараз» археологиялық саябағына экскурсия жүргізілді. Ең алдымен шетелдік қонақтар рухани құндылықтардың ордасы болған «Көне Тараз» ашық аспан астындағы археологиялық саябағын тамашалаудан бастады. Содан соң тұла бойы тарихқа толы Тараз қаласының орталығында орналасқан киелі де сәулетті ескерткіштердің бірі – Қарахан және Дәуітбек кесенелеріне экскурсия жүргізілді.
Ежелгі Олимпия қаласының мэрі Георгиос Георгиопулос бастаған грек делегациясына екі мың жылдан астам тарихы бар, өткен мен бүгінгі күннің арасын жалғастырушы киелі де қасиетті мекен, мәңгіліктің қаласы, үлкен руханият орталығы, әлемдік өркениеттен ойып орын алатын ежелгі Тараз қаласының тарихы айтылды. Шетелден келген қонақтар экскурсия кезінде ерекше қызығушылық танытып, көптеген сұрақтар қойып, жауабын ала алды.
29 Маусым 2023
359
Қазақстан Республикасы Мәдениет және спорт министрлігінің Мәдениет комитетіне қарасты «Ежелгі Тараз ескерткіштері» мемлекеттік тарихи-мәдени музей-қорығының ұйымдастыруымен кезекті танымдық бағдарлама жалғасуда. Іс-шара аясында «ABAY» бастауыш мектеп-гимназиясының білімалушыларына музей экспонаттарынан көрме жасақталды. Жылжымалы көрмеге қойылған жәдігерлердің құндылығын әрі мән-мағынасын музей қызметкерлері түсіндірді. Аталмыш көрмеге Қарахан мемлекеті тұсында жасалған қыш ыдыстар, құмыра, қазандар, сұйықтық сақтауға арналған сынапкөзелер, қоладан құйылған шырағдандар, су құбырлары, жасыл, ақ, қоңыр түсті табақшалар, тиындар жиынтығы және сиясауыт сынды көптеген экспонаттар қойылды.
Мектеп ұстаздары мен оқушылары жылжымалы көрмені ұйымдастырушы «Ежелгі Тараз Ескерткіштері» мемлекеттік тарихи-мәдени музей-қорығының ұжымына алғысын білдіріп, қызметкерлерді алғыс хатпен марапаттады. Жылжымалы көрме ұйымдастыруда көзделген басты мақсат – оқушылардың танымын жетілдіре отырып, ата-бабамыздан мирас болып қалған сан ғасырлық тарихты өскелең ұрпаққа насихаттап, дәріптеу болып табылады.
28 Маусым 2023
169
Қазақстан Республикасы Мәдениет және спорт министрлігінің Мәдениет комитетіне қарасты «Ежелгі Тараз ескерткіштері» мемлекеттік тарихи-мәдени музей-қорығының қызметкерлері «JAMBYL TV» телеарнасының «RAUAN» атты таңғы бағдарламасына тікелей эфирде сұхбат берді. Бүгінгі тікелей эфир «Тылсымға толы дүние» тақырыбында өтті. Сұхбат барысында қызметкерлер Жамбыл облысындағы тылсым жерлер жайында айтып кетті.
Сонымен қатар, музей қорындағы археологиялық қазба жұмыстары кезінде табылған, тарих тұңғиығынан сыр шерткен құнды әрі бірегей жәдігерлердің тарихын таныстырды. Атап айтсақ, сұйықтық сақтауға арналған сынапкөзелер, қоладан құйылған шырағдандар, тиындар жиынтығы және сиясауыт көпшілік назарына ұсынылды.
22 Маусым 2023
150
Қазақстан Республикасы Мәдениет және спорт министрлігінің Мәдениет комитетіне қарасты «Ежелгі Тараз ескерткіштері» мемлекеттік тарихи-мәдени музей-қорығының ұйымдастыруымен «Жас өлкетанушы» танымдық бағдарламасы бастау алды. Іс-шара аясында Антон Макаренко атындағы № 6 орта мектебінің оқушыларына тұла бойы тарихқа толы Тараз қаласының орталығында орналасқан киелі де сәулетті ескерткіштердің бірі – Қарахан және Дәуітбек кесенелеріне экскурсия жүргізілді. Сонымен қатар, оқушылар кесененің қосымша худжра бөлмелерінде қазба жұмыстары барысында ежелгі Тараз қалашығынан табылған жәдігерлерден құралған экзпозицияны тамашалады. Атап айтсақ: Қарахан мемлекеті тұсында жасалған қыш ыдыстар, құмыра, қазандар, сынапкөзелер, шырағдандар, су құбырлары, жасыл, ақ, қоңыр түсті табақшалар.
Содан соң рухани құндылықтардың ордасы болған «Көне Тараз» ашық аспан астындағы археологиялық саябағында жүргізілген қазба жұмыстары кезінде табылған ортағасырлық қала орнын таныстырып, қалашық тарихына саяхат жасалды. Оқушыларға викториналық сұрақтар қойылып, сый-сыяпаттар берілді.
Үйірме барысында оқушылар тарихи-мәдени мұраларымызбен, ежелгі қаланың архитектуралық құрылысымен, үлкен руханият орталығы болған, екі мың жылдан астам тарихы бар, ірі мәдениет ошақтарының бірі болған Тараз шаһарының тарихымен танысты. Танымдық бағдарламаны ұйымдастыруда көзделген басты мақсат – оқушылардың танымын жетілдіре отырып, еліміздің өткен тарихын, мәдени құндылықтарын бағалай білуді және құрметтеуді үйрету.
19 Маусым 2023
162
Қазақстан Республикасы Мәдениет және спорт министрлігінің Мәдениет комитетіне қарасты «Ежелгі Тараз ескерткіштері» мемлекеттік тарихи-мәдени музей-қорығының ұйымдастыруымен өткзілген 5 күндік танымдық бағдарлама өз мәресіне жетті. Аталмыш бағдарламаның соңғы күнінде музейдің жәдігерлерді қалпына келтіруші қызметкері Бауыржан Тазан балаларға экспонаттарды қайта қалпына келтіру үшін қандай әдістерді қолдану керек екендігі жайлы, сондай-ақ артефактілерді сақтау бойынша қандай жұмыстар жүргізілетіндігі, музей қорлары қалай толықтырылатындығы жайлы ақпаратпен бөлісті.
Үйірме аясында оқушыларға мекемеге қарасты «Көне Тараз» ашық аспан астындағы археологиялық саябағында жүргізілген қазба жұмыстары кезінде табылған құнды әрі бірегей жәдігерлер ұсынылды. Балалардың алдына қойылған жәдігерлердің құндылығын әрі мән-мағынасын музей қызметкерлері таныстырды. Музей экспонаттарының тарихымен танысқан оқушылар кейіннен өздері қалаған жәдігердің суретін салды. Үйірме соңында оқушыларды алғыс хаттармен марапаттап, сый-сыяпаттар таратылды. Оқушылар танымдық бағдарламаны ұйымдастырушы қызметкерлерге алғыстарын білдіріп, үйірме кезінде өздерінің үлкен қызығушылықтарын танытып, алған әсерлерін таңданыспен жеткізді.
Танымдық бағдарламаны ұйымдастыруда көзделген басты мақсат өскелең ұрпақты тарих, археология, мәдениет салаларына тартып, еліміздің тарихы мен мәдениетін терең танып білуіне жол ашып, болашақта олардың ел тарихын зерттейтін маман болып қалыптасуына әсер ету болып табылады.
15 Маусым 2023
141