Ағымдағы жылдың 8 тамызында Қазақстан Республикасы Мәдениет және спорт министрлігі Мәдениет комитетіне қарасты «Ежелгі Тараз ескерткіштері» мемлекеттік тарихи-мәдени музей-қорығының қызметкерлері Жамбыл облысында орналасқан Республикалық маңызы бар тарих және мәдениет ескерткіштерінің жай-жапсарын білу мақсатында мониторинг жұмыстарын жүргізді. Аталмыш мониторинг жұмыстары Шу ауданындағы ЮНЕСКО-ның Бүкіләлемдік мұралар тізіміне енген Ақтөбе (Баласағұн) қалашығынан бастау алып, Меркі, Құлан, Өрнек, Қостөбе қалашықтарының қазіргі таңдағы жағдайына бақылау жүргізумен жалғасты. Сондай-ақ, кәсіпорын қызметкерлері жергілікті қорғау инспекторларымен кездесіп, ескерткіштерді сақтау, қалпына келтіру және ғылыми зерттеудің өзекті мәселелері, тарихи-мәдени нысандардың жұмыстары бойынша түсіндірме жұмыстарын жүргізіп, нақты тапсырмалар берілді.
Қазақстан Республикасының Мәдениет және спорт министірлігіне қарасты «Ежелгі Тараз ескерткіштері» мемлекеттік тарихи-мәдени музей-қорығының ғылыми бөлім қызметкерлері Ұлжалғас Шаизханның «Қостөбе – Талас өңіріндегі қала мәдениетінің озық үлгісі» және Мадина Мананбайқызының «Мерке – ортағасыр өркениеті» тақырыбында мақалалары «Қарахан» тарихи-танымдық, әдеби-көпшілік журналына жарық көрді.
Жуалы ауданы тарихи-өлкетану музейінің қызметкерлеріне Қазақстан Республикасы Мәдениет және спорт министрлігінің Мәдениет комитетіне қарасты «Ежелгі Тараз ескерткіштері» мемлекеттік тарихи-мәдени музей-қорығының еншісіндегі «Қарахан», «Дәуітбек» кесенелеріне және «Көне Тараз» ашық аспан астындағы археологиялық саябағына экскурсия жүргізілді.
Ағымдағы жылдың 30 маусым күні Алматыдағы ЮНЕСКО-ның Кластерлік Бюросының ұйымдастыруымен бүкіләлемдік мұраларды басқару бойынша өкілетті және жауапты құрылымдар арасындағы үйлестіру-консультативтік кеңесі өтті. Аталмыш кеңеске Қазақстан Республикасы Мәдениет және спорт министрлігінің Мәдениет Комитеті төрағасының орынбасары Күміс Сеитова, Алматыдағы ЮНЕСКО-ның Кластерлік Бюросының мәдениет жөніндегі маманы Айгүл Халафова, Қазақстан Республикасының ЮНЕСКО және ИСЕСКО істері бойынша Ұлттық Комиссияның Бас хатшысы Алия Байсабаева, Қазақстан Республикасының бүкіләлемдік мұралар бойынша Ұлттық Комитетінің төрағасы Гүлмира Мұхтарова қатысты. Сондай-ақ мәжіліске Қазақстан Республикасы Мәдениет және спорт министрлігінің Мәдениет комитетіне қарасты «Ежелгі Тараз ескерткіштері» мемлекеттік тарихи-мәдени музей-қорығының директоры Берік Жүсіпов қатысып, өзекті мәселелер бойынша өз ойымен бөлісті.