Бүгін Ежелгі Тараз ескерткіштері тарихи-мәдени музей-қорығының ұйымдастыруымен ерекше рухани шара өтті.

Ұлттық өнерімізді ұлықтайтын бұл мерекеде Жамбыл облысы әкімдігінің білім басқармасы Тараз қаласының білім бөлімінің Оқушылар сарайының “Өрлеу” ән-саз студиясының дарынды оқушылары “Көне Тараз” күйін орындады.

       Күй күмбірі Көне Тараздың дәл жүрегінде – ашық аспан астындағы тарихи саябақта шырқалды. Тарих пен өнер тоғысқан бұл сәт көрермендерге ерекше әсер қалдырды.  Домбыра – халқымыздың үні, ел рухының көрінісі. Осындай шаралар арқылы ұлттық болмысты дәріптеу – бәріміздің ортақ міндетіміз.

       Осы челленджді “Таңбалы” мемлекеттік тарихи-мәдени және табиғи музей-қорығына жолдаймыз! «Таңбалы» мемлекеттік тарихи-мәдени және табиғи музей-қорығы. Қазақтың киелі домбырасы әр шаңырақта күмбірлесін!

       Баршаңызды Ұлттық Домбыра күнімен шын жүректен құттықтаймыз! Ұлттық өнеріміз жасай берсін!