Тарих тереңіне үңілген сайын Тараз бізді тағы да таңғалдырады. Археологтардың соңғы зерттеулері нәтижесінде Көне Тараз қалашығынан бұрын-соңды белгісіз болған құпия медресе орны табылды!

       Бұл құрылыс шамамен XI–XII ғасырларға тән. Саз кірпіштен өрілген, күйдірілген әшекейлі тақташалармен көмкерілген бұл нысан – тек діни білім ордасы ғана емес, сол дәуірдің ғылыми, мәдени және рухани орталығы болғанға ұқсайды.

       Бұл жаңалық Тараздың ислам өркениетіндегі орны мен білім ордаларының маңызын айқындай түседі. Мүмкін, бұл жерден кезінде ұлы ойшылдар, сопылар мен ұстаздар білім алған болар.

 

 

       «Отырар музейі кеше және бүгін: музей ісінің даму үдерістері мен жаңа мүмкіндіктері» атты халықаралық ғылыми-тәжірибелік конференциясы табысты өтті.  Осы ауқымды шараға «Ежелгі Тараз ескерткіштері» тарихи-мәдени музей-қорығының «Ғылыми қызмет және ескерткіштерді қорғау» бөлімінің кіші ғылыми қызметкері Гүлмарал Үшкемпірқызы,  бөлім тарихшысы Ақдидар Жәнібекқызы белсенді түрде қатысып, сертификатқа ие болды! 

       Бұл – музей саласындағы жаңа ізденістерге, кәсіби тәжірибе алмасуға және ғылым мен мәдени мұраны ұштастырудағы маңызды қадам.

       Құрметті әріптестерімізді шын жүректен құттықтаймыз!  Ізденістеріңіз табысты, еңбектеріңіз жемісті болсын!