Қазақстан Республикасының Мәдениет және ақпарат министрлігі Мәдениет комитетінің «Ежелгі Тараз ескерткіштері» мемлекеттік тарихи-мәдени музей-қорығының ұйымдастыруымен №32 орта мектепте «Тарих аясындағы көне Тараз» атты жылжымалы көрме өткізілді. Аталмыш көрмеге VIII–ІХ ғғ. жататын соғдылық үлгіде жасалған қыш құмыралар, ортағасырлық асханалық қыш ыдыстар: құмыралар, табақтар, көзелер, қақпақтар, суқұйғыштар; мұстахара (торсық), сынапкөзелер, шырағдандар, моншақтар, күміс, нефрит, қола белдік жапсырмалары, әр кезеңге жататын монеталар қойылды.

Германияның Қазақстан Республикасындағы Төтенше және Өкілетті Елшісі Моника Иверсен ханым Қазақстанда жұмыс істейтін неміс компаниялары өкілдерінен кұралған делегациямен бірге «Ежелгі Тараз ескерткіштері» мемлекеттік тарихи-мәдени музей-қорығына қарасты Республикалық маңызы бар тарих және мәдениет ескерткіштері «Қарахан» және «Айша бибі» кесенелеріне келді. Келген қонақтарға «Музей ісі және экскурсиялық қызмет көрсету» бөлімінің экскурсоводы Ақнұр Сағитжан экскурсия жүргізді.

Қазақстан Республикасы Мәдениет және ақпарат министрлігі Мәдениет комитетінің «Ежелгі Тараз ескерткіштері» мемлекеттік тарихи-мәдени музей-қорығына қарасты «Көне тараз» археологиялық саябағына Қытайдың «Fuzhou»провинциясының Fujian қаласынан саяхаттап келген қонақтарымызға «Музей ісі және экскурсиялық қызмет көрсету» бөлімінің экскурсоводы Назира Бахыткызы КАРАКУЛОВА экскурсия жүргізді.