Хорхе Урбиола Лопестің сапары

Қараша айының 26 жұлдызында Испанияның Қазақстан, Қырғызстан және Тәжікстан Республикаларындағы елшісі Хорхе Урбиола Лопес де Монтенегро жұмыс сапарымен Жамбыл облысында болды. Өзінің жұмыс сапарында Испания елшісі ҚР Мәдениет және спорт министрлігі "Ежелгі Тараз ескерткіштері" музей-қорығы РМҚК-на қарасты тарихи-мәдени нысандарды да тамашалап үлгерді. Өлкенің бай мұрасы мен тарихына деген үлкен қызығушылығын танытып, таңданысын жеткізді. Сонымен қатар "Музей ісі және экскурсиялық қызмет көрсету бөлімінің" қызметкерлеріне де көрсеткен экскурсиялық қызметтері үшін шынайы алғыс білдірді.

26 Қараша 2022 view

240

Т. Н. Сенигованың 100 жылдық мерейлі мерекесі

Ағымдағы жылдың 25 қарашасында Қазақстан Республикасының Мәдениет және спорт министірлігіне қарасты «Ежелгі Тараз ескерткіштері» мемлекеттік тарихи-мәдени музей-қорығының ұйымдастыруымен «Средневековый Тараз» («Ортағасырлық Тараз») монографиясының авторы, тарих ғылымдарының кандидаты Т. Н. Сенигованың 100 жылдық мерейлі мерекесіне орайластырылған «Жазба деректеріндегі Тараз» атты республикалық ғылыми-танымдық конференция өтті.

Аталмыш конференцияның басты мақсаты Ұлы Жібек жолы бойында орналасқан Тараз қаласының әлемдік мәдениетке қосқан үлесі, орны мен рөлі, Тараздың ежелгі және ортағасыр археологиясының зерттелу тарихы және отандық музей саласындағы өзекті мәселелерді сараптау, талдау. Сонымен қатар, жиын барысында Жамбыл өңірінің республикалық маңызы бар мұралар тізіміне енген тарихи-мәдени ескерткіштерін зерттеген археологтардың бір ғасыр бедеріндегі жетістіктері мен майталман тұлғалар жайында эссе-естеліктер қозғалды.

Іс-шара алдында музейдің ұйымдастыруымен ежелгі Тараз қалашығынан табылған құнды жәдігерлерден тұратын «Тараздың жауһар жәдігерлері» атты жылжымалы көрме жасақталды. Онда VIII–ІХ ғғ. жататын соғдылық үлгіде жасалған қыш құмыралар, ортағасырлық асханалық қыш ыдыстар: құмыралар, табақтар, көзелер, қақпақтар, суқұйғыштар; шырағдандар, күміс, нефрит, қола белдік жапсырмалары қойылды.

Іс-шараны ашу салтанаты «Ежелгі Тараз ескерткіштері» тарихи-мәдени музей-қорығының директоры Берік Мырзалиұлы Жүсіпов мырзаға берілді. Сөз алған Берік Жүсіпов Сенигованың осыдан 50 жыл бұрын, 1972 жылы жарық көрген монографиясын қазақшаға аударып, Тараз жұртын өзінің төл мәдениетімен, археологиялық мұраларымен таныстыру керектігі жайында ұсыныс білдірді. Сондай-ақ конференция барысында «Тараз қалашығының археологиялық зерттелуі», «Тараз қалашығын зерттеген көрнекті археологтар жайындағы естеліктер», «Жамбыл облысының археологиялық экспедицияларының далалық материалдары» және «Т. Н. Сенигованың «Ортағасырлық Тараз» монографиясы – Оңтүстік Қазақстанның ортағасыр қалаларын зерттеудің негізі ретінде» секілді өзекті тақырыптар талқыланды.

Аталмыш іс-шарада Мадияр Елеуұлы Елеуов, Жұман Егінбайұлы Смайлов, Дөкей Әбдікерімұлы Талеев, Серік Шаймерденұлы Ақылбек, Ералы Шардарбекұлы Ақымбек, Борис Анатольевич Железняков, Мәмбет Сапарбекұлы Шагирбаев, Сауран Қалиұлы Қалиев баяндама оқыды. Әл-Фараби атындағы Қазақ ұлттық университетінің «Археология, этнография және музеология» кафедрасының профессоры, тарих ғылымдарының докторы Мадияр Елеуұлы Елеуов «Менің алғашқы ұстазым – Сенигова Таисия Николаевна» атты баяндама оқыды. Профессор ғалымның 98 жасқа дейін өмір сүргенін білмегендігін және ғылыми ортадан бөлініп қалғандығын үлкен өкінішпен еске алды.

Сонымен қатар конференция онлайн-оффлайн форматта өтті. Конференцияға Таисия Николаевна Сенигованың қызы Инна Геннадьевна Бочкарева Мәскеуден онлайн видео форматта қатысып, өз алғысын білдірді.

25 Қараша 2022 view

229

«Ежелгі Тараз ескерткіштері» қызметкерлері сұхбат берді

«Ежелгі Тараз ескерткіштері» тарихи-мәдени музей-қорығының қызметкерлері «JAMBYL TV» телеарнасының «Қайырлы таң, Жамбыл!» атты таңғы бағдарламасында тікелей эфирде сұхбат берді. Бүгінгі эфир барысында қызметкерлер тарихи-мәдени ескерткіштерді сақтау мен насихаттаудағы атқарылып жатқан жұмыстар жөнінде және қорық-музейдің алдағы уақыттағы жоспарларымен бөлісті. Сонымен қатар ағымдағы жылдың 25 қарашасында ұйымдастырылғалы отырған көрнекті ғалым, археолог, ортағасырлық қазақ археологиясының білгірі Т. Н. Сенигованың 100 жылдығына арналған «Жазба деректеріндегі Тараз» атты республикалық ғылыми-танымдық конференция жайлы айтып өтті.

23 Қараша 2022 view

260

Жазба деректеріндегі Тараз

22 Қараша 2022 view

766

Ұлттық валюта – төл теңге

15 қараша – ҚР Ұлттық валюта күніне орай, Мәдениет және спорт министрлігі Мәдениет комитетінің “Ежелгі Тараз ескерткіштері” мемлекеттік тарихи-мәдени музей-қорығының ұйымдастыруымен “Қоғамдық келісім” коммуналдық мемлекеттік мекемесінің ғимаратында “Ұлттық валюта – төл теңге” тақырыбында жылжымалы көрме өтті. Көрмеге ежелгі Тараз қалашығынан археологиялық қазба жұмыстары барысында табылған нумизматикалық жәдігерлер қойылды. Әр түрлі кезеңге жататын тиындар көпшіліктің қызығушылығын оятты.

15 Қараша 2022 view

800