Қазақстан Республикасының Тәуелсіздігінің 30 жылдық мерекесіне орай ҚР Мәдениет және спорт министрлігіне қарасты «Ежелгі Тараз ескерткіштері» мемлекеттік тарихи-мәдени музей қорығының қызметкерлері №47 орта мектебінде «Тәуелсіздік – Мәңгілік ел тұғыры» атты жылжымалы көрме ұйымдастырды. Жылжымалы көрмеде Көне Тараз қалашығынан орта ғасырлық тарихи-мәдени жәдігерлері таныстырып, өскелең ұрпаққа Жамбыл облысының тарихи-мәдени ескерткіштеріне тарихи шолу жасады. Көрмені тамашалаған жас жеткеншектер мәдени мұраларымызға өз қызығушылығын танытты. Өз кезегінде мектеп директоры А.Б.Ботамқұлова музей ұжымына ризашылығын білдіріп Алғыс хатпен марапаттады.