Кеше Тараз Мемлекеттік Университетінің ұйымдастыруымен Алтын Орданың 750 жылдығына орай өткен «Талас құрылтайы: тарих пен тағлым» атты халықаралық ғылыми-тәжірибелік конференцияға қатысқан шетелдік тарихшылар,ғалымдар «Ежелгі Тараз ескерткіштері» тарихи-мәдени қорық-музейіне қарасты «Көне Тараз» қалашығы, Қарахан және Айша бибі кесенелерін аралады. Көне ескерткіштердегі ескі жазуларды қайта қайта оқып, өзара талқыға салды. Ежелгі қаланың терең тарихына ерекше қызығушылық танытты.