Ш. Мұртаза атындағы Халықаралық Тараз университетінің білімгерлері арасында «Ұлы Жібек жолының құпиясы» тақырыбында Ақыртас сарай кешенінде тарихи-танымдық квест ойыны ұйымдастырылды. Зияткерлік сайыста қатысушылар түрлі жасырынған жұмбақтар мен сұрақтарға жауап бере отырып, білім мен тапқырлықтарын сынады. Бұл сайыста ерекше белсенділік танытқан Педагогика факультетінің 4 курс студенті Аққанат Саматқызы Болат ерекше тапқырлығымен көзге түсіп, марапатқа ие болды.