Жамбыл облысы Талас ауданындағы Сейілбек ауылының шығыс шетіндегі Қарақожа мешітіне, Үшарал ауылындағы Абдулла Ишан мешітіне, Қызыләуіт ауылынан 10–13 км жерде орналасқан Тәңірқазған, Бөріқазған тұрақтарына, Ақкөл ауылынан 11 шақырым оңтүстік-батысқа қарай, Ақкөл көлінің оңтүстігінде орналасқан Ақкөл тұрағына және Сарысу ауданы, Саудакент ауылында орналасқан Шоқай Датқа кесенесіне «Ежелгі Тараз ескерткіштері» мемлекеттік тарихи-мәдени музей-қорығының қызметкерлері 2023 жылдың 10 тамызында ескерткіштердің жай-жапсарын білу мақтсатында кезекті мониторинг жұмыстарын жүргізді. Мониторинг жұмыстары барысында жергілікті атқарушы органдарының қызметкерлерімен кездесіп, ескерткіштерді сақтау, қалпына келтіру және ғылыми зерттеудің өзекті мәселелері, тарихи-мәдени нысандардың жұмыстары бойынша түсіндірме жұмыстарын жүргізіп, нақты тапсырмалар берілді.