Музей экскурсоводтары келген қонақтарға ғасырлар қойнауынан жеткен құнды әрі бірегей жәдігерлердің тарихын түсіндіріп, мекемеге қарасты мәдени мұралар мен тарихи ескерткіштердің қайталанбас тарихымен, кесенелерге қатысты түрлі аңыз, әңгімелермен таныстырды.

Ашық есік күнін өткізудің мақсаты – тек музей қорындағы жәдігерлерді насихаттау ғана емес, қала тұрғындары мен қонақтарына мәдени-рухани демалыс сыйлау, музейге келушілерді көптеп тарту, сонымен қатар ата-бабамыздан мирас болып қалған сан ғасырлық тарихты өскелең жас ұрпаққа дәріптеу, туған жердің мәдениеті, салт-дәстүрлеріне деген сүйіспеншілікке тәрбиелеу. Өскелең ұрпақ осы жәдігерлер арқылы ата-бабаларымыздың ғасырлар бойындағы тыныс-тіршілігін, салт-дәстүрлерін танып біледі.