Бүгін – археологтар күні. Археология - тарих ғылымының көне дәуір мен орта ғасырдағы адамзат қоғамы дамуының заңдылықтары мен негізгі кезеңдерін зерттейтін саласы.

Бүгінде еліміздің қалыптасуы мен даму тарихы, салт-дәстүрлеріміз бен мәдени құндылықтарымыз, ата-бабаларымыздың асыл мұралары рухани жаңғырудың қайнар көзі болып табылады.

Археология – оқшау, бірегей ғылым түрі. Болған тарихи оқиғалардың барлығы жазбаша деректер арқылы немесе археологтардың мәліметтері арқылы анықталады. Жазбаша деректерде көп мәлімет сақталмауы мүмкін, ал тұрмыстық материалдар арқылы біраз нәрсені білуге болады.