Қордай ауданы, Сұлутөр ауылы, № 38 Сұлутөр орта мектебінің білім алушыларына «Ұлт болашағы саналы ұрпақ» атты («Zoom» платформасы арқылы) онлайн экскурсия жүргізілді. Музей-қорығының қызметкерлері білім алушыларға тарихы тереңнен тамыр тартатын Әулиеата өңірінде орналасқан, қаламыздың ажарын ашып тұрған «Көне Тараз» этномәдени кешенін назарларына ұсынды. Сонымен қатар экскурсия барысында тарихи-мәдени мұраларымызды насихаттай отырып, ежелгі қала, үлкен руханият орталығы болған Тараз шаһарының тарихымен және археологиялық қазба жұмыстары нәтижесінде табылған құнды экспонаттарды көрсетіп,сипаттамларына тоқталып, таныстырылды.