Бүгін Тараз қаласындағы Ю.Гагарин атындағы №29 орта мектебінің жазғы демалыс лагерінде жүрген бастауыш сынып оқушыларына тарихи-мәдени мұраларымызды насихаттау мақсатында ежелгі Тараз қалашығынан табылған құнды жәдігерден жасақталған жылжымалы көрме ұйымдастырылды. Көрмеге ортағасырлық қыш бұйымдары, қола шырағдан бөліктері, әртүрлі кезеңге жататын монеталар қойылды. Қорық-музейдің қор қызметкерлері әрбір жәдігерлердің ғылыми сипаттамасымен таныстырып, ежелгі Тараз шаһарының тарихынан сыр шертті. Оқушылар өлке тарихына деген қызығушылықтарын арттырып, мектеп мұғалімдері алғыстарын айтты.