Жаңалықтар
Бүгін «Ежелгі Тараз ескерткіштері» мемлекеттік тарихи-мәдени музей-қорығының «Ғылыми қызмет және ескерткіштерді қорғау» бөлімінің тарихшысы Ақдидар Жәнібекқызы М. Х. Дулати атындағы Тараз университетінің «Туристік бизнес» мамандығының 1 курс студенттеріне «Абдулла ишан мешіті және оның тарихи маңызы» тақырыбында танымдық дәріс өткізді.
Кездесу барысында
– Абдулла ишан мешітінің тарихы мен салыну ерекшеліктері;
– Мешіттің өңірдің рухани өміріндегі орны;
– Тарихи мұра ретінде сақталуының маңызы жан-жақты түсіндірілді.
Осындай тағылымды дәрістер жас мамандардың тарихи-мәдени мұраға деген қызығушылығын арттырып, рухани құндылықтарды тереңірек тануға мүмкіндік береді.
03 Желтоқсан 2025
41
Іс-шара барысында ғалымның өмір жолы, ғылымға қосқан айрықша еңбегі, академиялық дәрежесі мен мәртебесі, сондай-ақ Ұлы Жібек жолы бойындағы қалалар мен өркениеттерді зерттеудегі өлшеусіз үлесі жан-жақты баяндалды. К.М. Байпақовтың археология ғылымын жаңа деңгейге көтерудегі рөлі, Орта Азия мен Қазақстанның ежелгі қала мәдениетін зерттеудегі бірегей жаңалықтары келелі талқыланды.
Сонымен қатар студенттер үшін танымдық ойындар мен интерактивті сұрақ-жауап сайыстары ұйымдастырылып, олар ғалым мұрасына байланысты қызықты деректермен танысты. Бұл дөңгелек үстел жас буынға тарихи сананы қалыптастыруға, ұлттық археологияның аса маңызды тұстарын терең түсінуге үлкен мүмкіндік берді.
01 Желтоқсан 2025
53
Jambyl телеарнасы қала өмірінің тың көзқараспен таныстыратын жаңа жобаны Ежелгі Тараз ескерткіштері тарихи-мәдени музей-қорығымен бірлесіп ұсынды. Жобаның жүргізушісі Назерке Тазабаева, сондай-ақ музей-қорықтың «Ғылыми қызмет және ескерткіштерді қорғау» бөлімі мен «Музей ісі және экскурсиялық қызмет көрсету» бөлімінің мамандары Көне Тараз қалашығын аралап, тарихи нысандар жайлы қызықты деректермен бөлісті.
Бұл жоба Тараздың бай тарихына деген қызығушылығыңызды одан әрі арттыра түседі деп сенеміз. Толық нұсқасын YouTube арнасынан сілтеме арқылы көре аласыздар: https://youtu.be/WDjktHrt6fE?si=WGKU0hAnHZBZITqj
01 Желтоқсан 2025
49
Қазақстан Республикасы Мәдениет және ақпарат министрлігі Мәдениет комитетінің қарамағындағы «Ежелгі Тараз ескерткіштері» тарихи-мәдени музей-қорығы Шерхан Мұртаза атындағы Халықаралық Тараз университетімен екі жақты ынтымақтастық туралы меморандумға қол қойды.
Кездесу барысында университет ректоры Махметқали Нұрғалиұлы Сарыбеков пен музей-қорық директоры Нұржан Мергенбайұлы Мергенбай тарихи-мәдени нысандарды бірлесе дамыту, ғылыми-зерттеу жұмыстарын күшейту, жастардың тарихқа деген қызығушылығын арттыру бағытында бірлескен жобаларды жүзеге асыруға ниетті екендерін атап өтті.
Аталған меморандум екі тарапқа тәжірибе алмасу, ғылыми экспедициялар ұйымдастыру, студенттердің практикалық сабақтарын өткізу, сондай-ақ бірлескен конференциялар мен мәдени іс-шараларды жүзеге асыруға кең мүмкіндік береді.
01 Желтоқсан 2025
43
Бүгін «Ежелгі Тараз ескерткіштері» мемлекеттік тарихи-мәдени музей-қорығының кіші ғылыми қызметкері Гүлмарал Үшкемпірқызы «ТАРИХИ ЖАДЫНЫ САҚТАУ ҰРПАҚ САБАҚТАСТЫҒЫ МЕН ЖАСТАРҒА ПАТРИОТТЫҚ ТӘРБИЕ БЕРУДІҢ МАҢЫЗДЫ ФАКТОРЫ РЕТІНДЕ» атты ғылыми-практикалық конференцияда «Ерлік пен рух жыршысы – Жамбыл Жабаев» тақырыбында баяндама оқыды.
28 Қараша 2025
74