Бүгін Ежелгі Тараз ескерткіштері мемлекеттік тарихи-мәдени музей-қорығында «Таңбалы» мемлекеттік тарихи-мәдени және табиғи музей-қорығының ұйымдастыруымен «Таңбалы шатқалындағы қола дәуірінің қорымдары» атты жылжымалы көрменің ашылу салтанаты өтті.

Көрме барысында қола дәуіріндегі жерлеу рәсімдері мен ғұрыптық дәстүрлерге қатысты құнды экспонаттар жұрт назарына ұсынылып, ежелгі мәдениеттің терең тарихына үңілуге мүмкіндік берілді.

Шараға “Белсенді ұзақ өмір сүру” орталығының мүшелері, тарихшылар мен БАҚ өкілдері арнайы қатысып, көрмеге зор қызығушылық танытып, ұйымдастырушыларға ұсыныс-пікірлерін білдірді.

https://www.instagram.com/p/DMKiNtKvUbj/

Өзгерістер Жамбыл облысындағы ортағасырлық Құлан қалашығын зерттеу кезінде табылған сәндік сәулет өнерінің саз тақталары фрагменттері, кірпіштер, қабырға декорлары, терезе әйнектері, тиындар, ыдыстар, мүсіншелер орналасқан Ежелгі және ортағасырлар тарихы залын да қамтыды.

Құлан қалашығы Ұлы Жібек жолының бір бағыты бойындағы маңызды орталықтардың бірі болған. Табылған сәулет өнерінің элементтері қала құрылысы мен қолөнер өндірісінің жоғары деңгейде дамығанын, сондай-ақ Құланның ортағасырлық Қазақстанның негізгі қалаларының бірі ретіндегі мәдени маңызын дәлелдейді.

Бұл жайлы толығырақ музейдің ғылыми қызметкері Руслан Дуванбеков баяндады.

https://www.instagram.com/p/DL9bnEpCW01/