Мадина Ибадильдаева және тарихшы Жаннур Мусабаева Jambyl TV телеарнасына

Ежелгі Тараз ескерткіштері» мемлекеттік тарихи-мәдени музей-қорығының

«Ғылыми қызмет және ескерткіштерді қорғау» бөлімінің ғылыми қызметкері Мадина Ибадильдаева және тарихшы Жаннур Мусабаева

Jambyl TV телеарнасына музей-қорыққа қандай ескерткіштер кіреді, қай жерде орналасқаны, 150 жылдан бері зерттеліп келе жатқан «Ақыртас» сарай кешеніне тоқталып өтті. ⁠Халық арасында айтылып жүрген тарихи орындарға байланысты қандай аңыз-әңгімелер барын, ескерткіштер бүлінген жағдайда қандай жұмыстар жүргізілгендері туралы сұхбат берілді.

21 May 2024 view

219

Музей-қорықтың құрылу тарихы, негізгі қызметі

«Ежелгі Тараз ескерткіштері» мемлекеттік тарихи-мәдени музей-қорығының

«Ғылыми қызмет және ескерткіштерді қорғау» бөлімінің басшысы Ұлжалғас Шаизханқызы

Jambyl TV телеарнасына музей-қорықтың құрылу тарихы, негізгі қызметі және қазіргі таңда музей де қандай жұмыстар атқарылғандығы туралы сұхбат берілді.

21 May 2024 view

216

Таразда кангю мәдениетінің бірегей артефактілері

Ағымдағы жылдың мамыр айының 15 күні «Ежелгі Тараз ескерткіштері» мемлекеттік тарихи-мәдени музей-қорығының қызметкерлері ежелгі жазудың бірегей ескерткіштерін ашқан, Тарих ғылымдарының докторы, Х. А. Ясауи атындағы Халықаралық қазақ-түрік университетінің профессоры, қаңлы мәдениетінің маманы, «Ежелгі Тараз ескерткіштері» мемлекеттік тарихи-мәдени музей-қорығының археологы Александр Николаевич Подушкиннің Түркістан облысы, Ордабасы ауданы, Қараспан ауылдық округі Төле бай төбе қорымында жүргізіліп жатқан ғылым-зерттеу экспедиясына қатысты. Қаңлы мәдениетін 40 жылдан астам уақыт бойы зерттеп келе жатқан Александр Николаевич экспедиция барысында қаңлы өркениетіне жататын бірегей артефактілер атап айтқанда, біздің дәуірімізге дейінгі ІІ–І ғасырлар кезеңіне жататын әйел азаматының қоладан жасалған айнасы, моншақтардың бөліктерін, алтынан жасалған ортасында күміс қосылған, қанық қызыл түсті рубин асыл таспен әшекейленген сырғалармен таныстырды. Осы уақытқа дейін атақты қазақ археологы Оңтүстік Қазақстан өлкесін зерттеу жұмыстарының нәтижесінде 5 монографиясы жарық көрді.

Сонымен қатар «Ежелгі Тараз ескерткіштері» мемлекеттік тарихи-мәдени музей-қорығы 2023 жылы «Ордабасы» ұлттық тарихи-мәдени музей-қорығымен музей саласын дамыту тұрғысында жасалған Ынтымақтастықты нығайту мақсатында Тараптар Өзара бірлескен меморандумға қол қойған болатын. Меморандум аясында екі музей-қорық қызметкерлері бірлескен ғылыми-зерттеу экспедисиясына қатысып, өздерінің тәжрибелерімен бөлісті.

@ordabasi.utmq.kz

17 May 2024 view

125

№32 орта мектепте «Тарих аясындағы көне Тараз» көрмеcі

Қазақстан Республикасының Мәдениет және ақпарат министрлігі Мәдениет комитетінің «Ежелгі Тараз ескерткіштері» мемлекеттік тарихи-мәдени музей-қорығының ұйымдастыруымен №32 орта мектепте «Тарих аясындағы көне Тараз» атты жылжымалы көрме өткізілді. Аталмыш көрмеге VIII–ІХ ғғ. жататын соғдылық үлгіде жасалған қыш құмыралар, ортағасырлық асханалық қыш ыдыстар: құмыралар, табақтар, көзелер, қақпақтар, суқұйғыштар; мұстахара (торсық), сынапкөзелер, шырағдандар, моншақтар, күміс, нефрит, қола белдік жапсырмалары, әр кезеңге жататын монеталар қойылды.