The State historical and cultural museum-reserve

«Yezhelgi Taraz eskertkishteri»

Home / News

News

«Ежелгі Тараз ескерткіштерінің құпиялары» тақырыбында дәріс 24.09.2024

Қазақстан Республикасы Мәдениет және ақпарат министрлігінің «Ежелгі Тараз ескерткіштері» мемлекеттік тарихи-мәдени музей-қорығы «Ғылыми қызмет және ескерткіштерді қорғау» бөлімінің қызметкерлері М. Х. Дулати атындағы Тараз өңірлік университетінің білімгерлеріне «Ежелгі Тараз ескерткіштерінің құпиялары» тақырыбында дәріс өткізді.
Дәрістің мақсаты: Өңіріміздегі ғасырлар қойнауынан жеткен халық қазынасы, тарихтың беймәлім сырлары тұнған, ел өмірінің тілсіз куәгері саналатын тарихи-мәдени ескерткіштерді насихаттау. Ұлтымыздың рухани байлығы саналатын құнды да бірегей жәдігерлерді өскелең ұрпаққа дәріптеу.
Дәріс барысында: Музей-қорыққа қарасты Республикалық маңызы бар 30 тарихи-мәдени ескерткіштердің тарихы мен әртүрлі аңыз, әңгімелер айтылды.
 
date-ico 24 Sep 2024 view 30

II «Қазақстан музей конгресі»

2024 жылдың 23-24 қыркүйек күндері өткізілетін Қазақстан Республикасы Ұлттық музейінің 10 жылдығына орай II «Қазақстан музей конгресі» Халықаралық кешенді іс-шарасы басталды.
Конгресс 2024 жылдың 23-24 қыркүйек күндері өткізіледі. Конгреске отандық және шетелдік музей ісі саласының мамандары, соның ішінде Иран, Қытай, Ресей, Түркия, Мажарстан, Армения, Әзербайжан, Өзбекстан, Қырғызстан, Тәжікстан және Қазақстан музейлері мен ғылыми-зерттеу институттарының басшылары мен қызметкерлері қатысуда.
Бүгінгі Халықаралық конгреске «Ежелгі Тараз ескерткіштері» мемлкеттік тарихи-мәдени музей-қорығы» РМҚК-ның «Ғылыми қызмет және ескерткіштерді қорғау» бөлімінің ғылыми қызметкері Жаннур Бегалиевна Мусабаева музей-қорыққа қарасты республикалық маңызы бар ескерткіштеріне ғылыми мақала жазып, ZOOM бағдарламасымен онлайн қатысты.
Конгрес соңында іс-шараға қатысқан тыңдаушыларға сертификат табысталатын болады.
   
date-ico 23 Sep 2024 view 29

«Сыбайлас жемқорлық – өмірлік мәселе» тақырыбында дөңгелек үстел 19.09.24

Қазақстан Республикасы Мәдениет және ақпарат министрлігінің «Ежелгі Тараз ескерткіштері» мемлекеттік тарихи-мәдени музей-қорығы сыбайлас жемқорлыққа қарсы іс-қимыл агенттігімен бірлесе отырып «Сыбайлас жемқорлық – өмірлік мәселе» тақырыбында дөңгелек үстел ұйымдастырды. Аталмыш жиынға Қазақстан Республикасы Сыбайлас жемқорлыққа қарсы іс-қимыл Агенттігінің Жамбыл облысы бойынша департаментінің бас маманы Нурханова Таңшолпан Бақытәліқызы қатысты. Жиын барысында комплаенс қызметінің маңыздылығы, қатысушылардың негізгі міндеттерінің бірі – құқық бұзушылықтардың алдын алу және ұжымның іскерлік беделін қорғау болып табылатындығы айтылып, қызметтерін адал атқаруға шақырылды.

  

date-ico 19 Sep 2024 view 185

Башқұртстан мемлекетінің арнайы делегациясы

V Дүниежүзілік көшпенділер ойындары аясында Жамбыл облысының тіккен шаңырағына Башқұртстан мемлекетінің арнайы делегациясы, Башқұртстан спорт министрі Руслан Хабибов, сондай-ақ Якутия мемлекетінің спорт және туризм министрі Леонид Спиридонов келіп, Тараз қаласының құнды әрі бірегей жәдігерлерімен танысты. Экскурсия жүргізген «Ежелгі Тараз ескерткіштері» тарихи-мәдени музей-қорығының қызметкері – Ақнұр Сағитжан.

 

 

date-ico 10 Sep 2024 view 243

5-ші Дүниежүзілік көшпенділер ойындары

2024 жылғы 8-13 қыркүйек аралығында Қазақстанда 5-ші Дүниежүзілік көшпенділер ойындары – Орталық Азияның көшпелі халықтарының дәстүрінен бастау алатын этникалық спорт түрлерін көрсететін бірегей халықаралық спорттық іс-шара өтуде. Бұл шара этноспорт пен этномәдени қозғалыстың дамуына ықпал етіп, оларды адамзат өркениетінің маңызды бөлігі ретінде атап өтеді.
5-ші Дүниежүзілік көшпенділер ойындарына орай, этноауылда Жамбыл облысының жылжымалы көрмесінің салтанатты ашылу рәсімі өтті. Іс-шара аясында «Ежелгі Тараз ескерткіштері» мемлекеттік тарихи-мәдени музей-қорығы мен Жамбыл облыстық тарихи-өлкетану музейі бірлесе отырып, ғасырлар қойнауынан сыр шерткен Тараз қаласынан құнды әрі бірегей жәдігерлерден көрме жасақтады. Көрмеге XVIII-XIX ғасырлардағы қолөнер және зергерлік өнер ұсталарының қолынан шыққан, сол ғасырлардың куәсі болған, тарихы бай, ата-бабаларымыздан қалған түпнұсқа мұралар ұлттық нақыштағы ағаштан, теріден жасалынған тұрмыстық заттар, ыдыс-аяқтар, тоқыма бұйымдары, әскери өнерде, сондай-ақ саятшылықта пайдаланылатын қару-жарақ түрлері, аңшылық құралдары, қазақ ұсталары мен зергерлері дайындаған күмістен жасалған зергерлік бұйымдары және т.б. музей қорындағы құнды әрі бірегей этнографиялық жәдігерлер қойылды.
Сонымен қатар, іс-шараға «Қазақстан барысының» үш дүркін чемпионы Бейбіт Ыстыбаев қатысып, Жамбыл облысының спортшыларына ыстық лебізін білдіріп, айтулы аламанда топ жаруларына сәттілік тіледі. Байрақты бәсекеге ұлттық құрама сапында 8 спорт түрінен Жамбыл облысының 17 спортшысы бақ сынамақ.
Айта кетейік, Дүниежүзілік көшпенділер ойындарының спорттық және мәдени іс-шаралары 5 негізгі нысанда – «Астана Арена» стадионында, «Қазанат» ипподромында, Ж. Үшкемпіров атындағы жекпе-жек сарайында, «Алау» мұз сарайында және «Думан» қонақ үй кешенінде өтеді. Қайта жаңарту жұмыстарынан кейін «Қазанат» ипподромы бір уақытта 10 мың көрерменді қабылдай алса, этноауыл кешені күніне 30 мыңға дейін келушіні қабылдай алады. Шараға 100-ге жуық елден 2500-ге жуық спортшы қатысады және 100 мыңнан астам жергілікті және шетелдік туристер қатысады деп күтілуде.
date-ico 08 Sep 2024 view 273

Page 7 of 159

Address: city Taraz, street H. Bekturganova №3

Phone: 8 (7262) 43-08-26

E-mail: tarzapmuz@mail.ru

2022 © «Памятники древнего Тараза» историко-культурный заповедник-музей