News
«Бабадан қалған қолтаңба» тақырыбындағы ғылыми экспедиция
«Ежелгі Тараз ескерткіштері» мемлекеттік тарихи-мәдени музей-қорығы ұйымдастырған «Бабадан қалған қолтаңба» ғылыми экспедиция мүшелері Алматы облысы, Жамбыл ауданы, Қарабастау ауылында орналасқан ЮНЕСКО-ның Бүкіләлемдік мұралар тізіміне енген «Таңбалы» мемлекеттік тарихи-мәдени және табиғи музей-қорығына арнайы іссапармен барды. Тасын түртсе тарихы сөйлейтін Тараз қаласынан киелі Таңбалы жеріне ат басын бұрған экспедиция тобы XI–XII ғасырлардағы көне дәуір шежіресі болып табылатын, жартас өнерін сақтап қалған, отандық және шетелдік туристер мен зерттеушілердің зор қызығушылығын тудырып отырған, ерекше тарихи аймақ «Таңбалы»тастар мекеніне барып, тарихымен танысып қайтты. Сапар барысында экспедиция мүшелері тәжірибе алмасу мақсатында «Таңбалы» мемлекеттік тарихи-мәдени және табиғи музей-қорығында атқарылып жатқан жұмыстармен танысып, мамандармен пікір алмасты. Сонымен қатар «Ежелгі Тараз ескерткіштері» мемлекеттік тарихи-мәдени музей-қорығының Алматы облысына бағытталған сапарының мақсаты мен музей-қорықтың рухани жаңғыру жолындағы тарихи ізденістері мен атқарған жұмыстары жайлы мәлімдеді.
24 Jun 2024
242
«Ежелгі Тараз ескерткіштері» мемлекеттік тарихи-мәдени музей-қорығы ағымдағы жылдың 21 маусым күні
Қазақстан Республикасының Тұңғыш Президенті – Елбасының «Атамекен» тарихи-мәдени орталығында «Ілкі дәуірдегі көне Тараз» атты жылжымалы көрменің салтанатты ашылуы өтті.
Көрменің мақсаты: Тарих пен мәдениетті байланыстыра отырып, еліміздің мәдени мұрасын насихаттау, қолдану, сақтау және зерделеу. Көне тарихтың куәсі болған құнды жәдігерлер тарихын халыққа ұсыну.
Көрмеге қойылған жәдігерлер: «Зергер» көмбесі (алтын, күміс) XI–XII ғғ, мұстахара (торсық), сынапкөзелер (сфероконустар), қола шырағдандар XI–XII ғғ, моншақтар, күміс, нефрит, қола белдік жапсырмалары, әр кезеңге жататын монеталар. Көрме 2 күнге созылады.
20 Jun 2024
241
Ағымдағы жылдың 18 маусымында Қазақстан Республикасының Мәдениет және ақпарат министірлігі Мәдениет комитетінің «Ежелгі Тараз ескерткіштері» тарихи-мәдени музей-қорығының ұйымдастыруымен «Ілкі дәуіріндегі көне Тараз»тақырыбында жылжымалы көрменің салтанатты ашылуы «Есік» мемлекеттік тарихи-мәдени музей- қорығында өтті.
Іс-шараны ашып беру үшін алғашқы сөз «Есік» мемлекеттік тарихи- мәдени музей-қорығының директорының орынбасары Досым Зікірияға берілді, ол өткен тарихтан сыр шертетін көрмені ұйымдастырушыларға алғысын білдіріп, сәттілік тіледі. Ашылу салтанаты барысында «Ежелгі Тараз ескерткіштері» мемлекеттік тарихи-мәдени музей-қорығының «Ғылыми қызмет және ескерткіштерді қорғау» бөлімінің басшысы Ұлжалғас Шаизханқызы көрменің мақсаты мен маңыздылығына тоқталды. Жылжымалы көрменің басты мақсаты: Тарих пен мәдениетті байланыстыра отырып, еліміздің мәдени мұрасын насихаттау, қолдану, сақтау және зерделеу, көне тарихтың куәсі болған құнды жәдігерлер тарихын халыққа ұсыну болып табылады.
Шара барысында жылжымалы көрменің ашылу салтанатының лентасын «Ежелгі Тараз ескерткіштері» мемлекеттік тарихи-мәдени музей-қорығының қор сақтаушысы Ұлболсын Алимханова мен «Есік» музей-қорығының директорының орынбасары Досым Зікірия қиып берді. Тарихы мыңжылдықтардың мұрасымен үндескен ежелгі Тараз қаласының тарихи шежірелі көрмесін қорық-музейінің қызметкерлері таныстырды.
Іс-шараға ежелгі Тараз қалашығынан табылған құнды да, бірегей жәдігерлерден тұратын жылжымалы көрме жасақталды. Онда VIII—IXғғ соғдылық үлгіде жасалған қыш құмыралар, ортағасырлық қыш ыдыстар: құмыралар, табақтар, көзелер, қақпақтар, (торсық), (сфероконустар), сынапкөзелер, суқұйғыштар, мұстахара, шырағдандар, моншақтар, күміс, нефрит, қола белдік жапсырмалары, әр кезеңге жататын монеталар қойылды. Іс-шара соңында «Есік» мемлекеттік тарихи-мәдени музей-қорығының басшылығы «Ежелгі Тараз ескерткіштері» мемлекеттік тарихи-мәдени музей-қорығының қызметкерлеріне рахмет айтып, Алғыс хатпен марапаттады.
18 Jun 2024
242
«Түркі халықтарының рухани құндылықтары мен мәдени мұрасы» халықаралық ғылыми-әдістемелік конференциясы және түркі мәдениеті мен мұрасы қоры жанындағы реставраторлар мен тарихшы-сәулетшілер Консультативтік Кеңесінің қатысушылары мен Қазақстан Республикасы Мәдениет және ақпарат министрлігі Мәдениет комитетінің төрағасы Күміс Сейітова «Ежелгі Тараз ескерткіштері» мемлекеттік тарихи-мәдени музей-қорығына қарасты ЮНЕСКО-ның Бүкіләлемдік мәдени мұралар тізіміне енгізілген Жамбыл облысы, Т. Рысқұлов ауданы, Құлан ауылында орналасқан «Құлан » қалашығына іссапармен келді. Іссапар барысында Қазақстан, Қырғызстан, Түркия, Өзбекстан мемлекеттерінен келген қонақтар музей-қорық ұйымдастырған ұлттық тағамдар қойылған дастарханнан дәм татып, ерекше ықыластарын білдірді. Сонымен қатар қонақтарға «Музей ісі және экскурсиялық қызмет» бөлімінің экскурсоводы Жұмағұлова Фариза ортағасырлық «Құлан»қалашығына экскурсия жүргізді.
11 Jun 2024
251
«Ежелгі Тараз ескерткіштері» мемлекеттік тарихи-мәдени музей-қорығының қор сақтаушысы Ұлболсын Алимханова және кіші ғылыми қызметкер Гүлмарал Үшкемпірқызы
Jambyl TV телеарнасына қор бөлімінде қандай құжаттар толтырылады және қазба барысында металлдан қандай жәдігерлер табылды, қазба барысында табылған жәдігерлер қай ғасырмен мерзімделеді, сондай-ақ қыш ыдыстардың қандай түрлері бар екендігі туралы сұхбат берді.
21 May 2024
225
Page 3 of 152