ҚОСТӨБЕ ҚАЛАШЫҒЫНЫҢ СЫРЫНА ТОЛЫ САПАР!

Бүгін М. Х. Дулати атындағы Тараз университетінің «Құқықтану» мамандығының 1 курс студенттері үшін ерекше күн болды!

«Ежелгі Тараз ескерткіштері» мемлекеттік тарихи-мәдени музей қорығының «Ғылыми қызмет және ескерткіштерді қорғау» бөлімінің тарихшысы Ақдидар Жәнібекқызы студенттерге «Қостөбе қалашығының археологиялық қазба жұмыстары және табылған құнды артефактілер» тақырыбында тартымды дәріс өткізді.

Дәріс барысында:

– Қостөбе қалашығында жүргізілген археологиялық қазба жұмыстарының кезеңдері;

– Жер қойнауынан табылған бірегей артефактілердің тарихы;

– Олардың өңір мәдениеті мен өркениеті үшін маңызы кеңінен түсіндірілді.

Осындай танымдық кездесулер жас ұрпақтың отан тарихына деген қызығушылығын арттырып, мәдени мұраға құрмет сезімін қалыптастырады.

26 Nov 2025 view

78

«Ақтөбе қалашығы – көне Тараздың алтын қақпасы» тақырыбында дәріс

“Ежелгі Тараз ескерткіштері” мемлекеттік тарихи-мәдени музей-қорығының “Ғылыми қызмет және ескерткіштерді қорғау” бөлімінің тарихшысы Ерғабылқызы Ақерке Сағадат Нұрмағанбетов атындағы №10 мектептің 7 «В» сыныбында ерекше танымдық дәріс өтті. Тақырыбы – «Ақтөбе қалашығы – көне Тараздың алтын қақпасы». Сыныпта тарихқа саяхат! Оқушылар алдымен қарапайым тарихтан бастады деп ойлады… бірақ дәріс басталған сәттен-ақ олардың назары қаланың жасырын сырлары мен ежелгі құпияларға ауды!

• Ақтөбе қалашығы қашан пайда болды?

• Ол қалай Тараз өркениетінің алтын қақпасына айналды?

• Қандай археологиялық табылғылар тарихты өзгерте алады?

Міне, осы сұрақтар оқушылардың қызығушылығын одан әрі оятып, оларды тарихты зерттеуге, сұрақ қоюға және ойлануға жетеледі. Дәрісте әр факт бір жұмбаққа айналып, білім мен ойын бір-бірімен ұштасты.

Ақырында, оқушылар тек мәлімет алып қана қоймай, көрген-білгендерін топпен талқылап, өз көзқарастарын ортаға салды. Тарихтың осы бір қызықты қырлары – олар үшін шын мәнінде саяхатқа тең болды.

25 Nov 2025 view

94

«Қарақожа мешітінің тарихи және мәдени мұра ретінде сақталуы» тақырыбында танымдық дәріс

«Ежелгі Тараз ескерткіштері» мемлекеттік тарихи-мәдени музей-қорығының «Ғылыми қызмет және ескерткіштерді қорғау» бөлімінің тарихшысы Ақдидар Жәнібекқызы М.Х. Дулати атындағы Тараз университетінің «Құқықтану» мамандығының 1 курс студенттеріне «Қарақожа мешітінің тарихи және мәдени мұра ретінде сақталуы» тақырыбында танымдық дәріс өткізді.

Дәріс барысында студенттер Қарақожа мешітінің аймақ тарихындағы орны, оның сәулеттік ерекшеліктері мен мәдени мұра ретінде қорғаудың маңызы туралы жан-жақты ақпарат алды. Сонымен қатар, тарихи ескерткіштерді сақтау бойынша заңнамалық негіздер мен практикалық жұмыстар да талқыланды.

24 Nov 2025 view

94

«Бөріқазған тұрағы: Қазақстанның көне тарихын зерттеудегі рөлі»

«Ежелгі Тараз ескерткіштері» мемлекеттік тарихи-мәдени музей-қорығының «Ғылыми қызмет және ескерткіштерді қорғау» бөлімінің тарихшысы Ақдидар Жәнібекқызы М.Х. Дулати атындағы Тараз университетінің «Цифрлық маркетинг» мамандығының 1 курс студенттеріне «Бөріқазған тұрағы: Қазақстанның көне тарихын зерттеудегі рөлі» тақырыбында танымдық дәріс өткізді.

Дәріс барысында студенттер:
Ежелгі Бөріқазған тұрағынан табылған археологиялық олжалармен,
Олардың тарихи-мәдени маңызы және өңір өркениетіндегі орны,
Қазақстанның ең алғашқы қоныстарының бірі ретіндегі ғылыми деректермен кеңінен танысты.

Бұл кездесу жастардың туған жер тарихына деген қызығушылығын арттырып, археология әлеміне жаңа көзқарас қалыптастыруға мүмкіндік берді.
Осындай танымдық сабақтар жас ұрпақтың тарихи санасын көтеріп, мәдени-рухани құндылықтарды бағалауына үлкен ықпал етеді.

20 Nov 2025 view

118

«Сыбайлас жемқорлықпен күрес – қоғам талабы» атты жиын өтті

Ежелгі Тараз ескерткіштері тарихи-мәдени музей-қорық қызметкерлері арасында «Сыбайлас жемқорлықпен күрес – қоғам талабы» атты жиын өтті. Шараның мақсаты – қоғамдағы әділдік пен ашықтық қағидаттарын нығайту, сыбайлас жемқорлықтың алдын алу және мемлекеттік қызмет мәдениетін арттыру. Кездесуге ҚР Мемлекеттік қызмет істері агенттігінің Жамбыл облысы бойынша департаментінің бас маманы Нурханова Таңшолпан Бақытәліқызы арнайы шақырылып, сыбайлас жемқорлыққа қарсы саясат, құқықтық нормалар және қоғам мен ұйымдар деңгейінде алдын алу шаралары туралы кең көлемде түсіндірме жұмыстарын жүргізді. Жиын барысында қатысушылар өздерін қызықтырған сұрақтарын қойып, пікір алмасып, сыбайлас жемқорлыққа төзбеушілік мәдениетін қалыптастырудың маңызы жөнінде талқылады.

Әділдік. Ашықтық. Жауапкершілік.

Бұл — қоғам дамуы мен болашағы үшін маңызды бағыт.