News
Ежелгі Тараз ескерткіштері музей-қорығының тарихшысы Ақдидар Жәнібекқызы “Асыл қазына” радиохабарының қонағы болды!
Сұхбат барысында Ақдидар Жәнібекқызы ортағасырлық Меркі қалашығының бай тарихына терең тоқталды:
1. Меркі қалашығының тарихи маңызы – Жібек жолының маңызды бекініс нүктесі ретінде сауда мен мәдени байланыстардың дамуына зор үлес қосқан.
2. Археологиялық қазбалар нәтижесі – Қалашықтан табылған қыш ыдыстар, құрылыс іздері және тұрмыстық заттар сол дәуірдің өмір салтын айқындап берді.
3. Табылған жәдігерлер – Негізінен ортағасырлық кезеңге жатады. Олардың ішінде сәндік қыш ыдыстар мен тас құрылыс қалдықтары ерекше көзге түседі.
4. Түркі кезеңінің ескерткіштері – Аймақта түркі тайпаларының мәдениеті мен дінін паш ететін балбал тастар да сақталған.
5. Қалашық құрылымы – Қорғаныс дуалдары, қоныс-жайлар, мешіт және керуен-сарай орындары – Меркі қалашығының дамыған қала мәдениетінің куәсі.
6. Қалашықтың иелері – Меркі Қарлұқ, Түргеш және Қараханид дәуірлерінде әр кезеңде маңызды рөл атқарған.
7. Ислам дінінің таралуы – Қалашықтағы мешіт қалдықтары мен діни рәміздер ислам дінінің орнығу кезеңін растайды.
Тың мәліметтерді радиохабардан тыңдаңыз!
Меркі қалашығы – тарих пен мәдениеттің алтын қазынасы!
11 Jun 2025
550
Құрметті достар!
Тараздың ежелгі мұраларына сапарлауға дайынсыз ба? Ежелгі Тараз ескерткіштері тарихи-мәдени музей қорығына қарасты нысандарда заманауи 3D үлгісіндегі ақпараттық тақтайшалар жаңартылды!
Енді сіз кесенелердің аңыздарын QR-код арқылы көре аласыз. Сонымен қатар, әр нысанның нақты жол картасын QR-кодпен оңай жүктеп алуға болады.
Саяхаттарыңыз сәтті болсын! Тараздың тарихы мен мәдениеті әрқашан қымбат!
10 Jun 2025
603
Бүгін Ежелгі Тараз ескерткіштері тарихи-мәдени музей-қорығының “Ғылыми қызмет және ескерткіштерді қорғау бөлімінің” тарихшысы Улжан Қаныбекқызы Айша бибі кесенесі мен Бабаджахатун кесенесіне мониторинг жүргізді.
Алдағы уақытта жүргізілген мониторингтің нәтижелері бойынша есеп дайындалатын болады.
Біздің мәдени мұрамыз – тарихымыздың айнасы!
05 Jun 2025
607
Құрметті отандастар!
Бүгінгі Рәміздер күні – халқымыздың рухын, бірлігін айқындайтын, тәуелсіздігіміздің ең маңызды нышандарын ардақтайтын мереке! Қазақстанның көк байрағы, еңселі елтаңбасы мен жүректі тебірентер әнұраны – әрқайсымыздың мақтанышы. Осы қасиетті рәміздеріміздің мәртебесі биік, елдік бірлігіміз нығайып, болашағымыз баянды болғай!
Рәміздер күні құтты болсын! Еліміз аман, жұртымыз тыныш болғай!
04 Jun 2025
624
Бүгін Ежелгі Тараз ескерткіштері тарихи-мәдени музей-қорығының экскурсоводы Фариза Жұмағұлова Тұңғыш Президент Қорының YouTube арнасындағы Qazaq Quest жобасына сұхбат беріп, түсірілімге қатысты.
Бұл жобада біздің музей-қорыққа қарасты Айша бибі, Бабаджа хатун, Қарахан баба және Дәуітбек кесенелері таныстырылды.
Әріптесіміз Фаризаға сәттілік тілейміз! Алдағы уақытта жаңа жобаның жарыққа шығуын асыға күтеміз!
02 Jun 2025
524
Page 22 of 199