Государственный историко-культурный музей-заповедник

«Ежелгі Тараз ескерткіштері»

Главная / Новости

Новости

9 орта мектебі КММ «Тараздың өткені мен бүгіні»

Қазақстан Республикасының Мәдениет және ақпарат министірлігіне қарасты «Ежелгі Тараз ескерткіштері» мемлекеттік тарихи-мәдени музей-қорығының қызметкерлері «Жамбыл облысы әкімдігінің білім басқармасының Тараз қаласы білім бөлімінің 9 орта мектебі» КММ «Тараздың өткені мен бүгіні» тақырыбында жылжымалы көрме жасақталып, танымдық дәріс оқылды. Дәріс барысында оқушыларға музей-қорығына қарасты Республикалық маңызы бар 30 тарихи-мәдени ескерткіштерінің қайталанбас тарихымен, кесенелерге қатысты аңыз, әңгімелер айтылды.
Оқушылар назарына археологиялық қазба жұмыстары нәтижесінде табылған жәдігерлер ұсынылды. Атап айтсақ, әр кезеңге жататын мәдени қабаттан табылған қыш бұйымдары мен металдан жасалған бұйымдардың мерзімін, жасалу техникасы мен пайдалану мақсатын түсіндірді.
Ұлттық құндылықтар – әрбір ұлттың болмысында ғасырлар бойы атадан балаға мирас болып келе жатқан адамгершілік қағидаттары. Жылжымалы көрменің жасақталуы мен дәріс оқудың басты мақсаты – ғасырдан-ғасырға жеткен халықтың қазынасы, ұлтымыздың рухани байлығы – құнды жәдігерлерді өскелең ұрпаққа насихаттап, дәріптеу болып табылады.
 
date-ico 13 Дек 2023 view 314

125 IHS «Бабадан қалған қолтаңба»

«Ежелгі Тараз ескерткіштері» мемлекеттік тарихи-мәдени музей-қорығының қызметкерлері қалалық 125 International High School Халықаралық жоғары мектебінің оқушыларына «Бабадан қалған қолтаңба» тақырыбында жылжымалы көрме жасақтап, «Тараз және руханият» тақырыбында танымдық дәріс оқыды. Танымдық дәрістің мақсатын және ескерткіштердің құндылығын әрі мән-мағынасын музей-қорық мамандары Мадина Мананбайқызы мен Фариза Нұрқожақызы айтып түсіндірді.
Ең алдымен көне дәуірлердің естелігі, үлкен руханият орталығы болған, екі мың жылдан астам тарихы бар Тараз шаһарының тарихына тоқталып өтті. Содан соң музей-қорығына қарасты Республикалық маңызы бар 30 тарихи-мәдени ескерткіштерінің қайталанбас тарихымен, кесенелерге қатысты әртүрлі аңыз, әңгімелермен таныстырды. Сондай-ақ, оқушылар назарына археологиялық қазба жұмыстары нәтижесінде табылған жәдігерлер ұсынылды. Жылжымалы көрмеге Қарахан мемлекеті тұсында жасалған қыш ыдыстар, құмыра, қазандар, сұйықтық сақтауға арналған сынапкөзелер, қоладан құйылған шырағдандар, су құбырлары, жасыл, ақ, қоңыр түсті табақшалар, тиындар жиынтығы және сиясауыт сынды көптеген жәдігерлер қойылды.
date-ico 07 Дек 2023 view 307

Тарихи-мәдени мұраларды сақтау мәселесі

Ағымдағы жылдың 30 қараша күні «Ежелгі Тараз ескерткіштері» мемлекеттік тарихи-мәдени музей-қорығының директоры Берік Мырзалыұлы «AMANAT» партиясы Жамбыл облыстық филиалы Партиялық бақылау комиссиясы отырысына қатысып, баяндама жасады. Кеңес отырысында өңірдегі тарихи-мәдени мұраларды сақтау мәселесі бойынша жүзеге асырылып жатқан жұмыстардың жай-күйі қаралды.
Жиын барысында Жамбыл әкімдігінің мәдениет, архивтер және құжаттама басқармасының басшысы Ерлан Жүнісбай, «Тарихи-мәдени ескерткіштерді қорғау және қалпына келтіру дирекциясы» КММ-нің директоры Даурембеков Қуаныш Кәрібайұлы, туризм басқармасының басшысы Біржан Күзембеков баяндама жасады. Кеңес отырысында көтерілген мәселелердің барлығын комиссия мүшелері назарға алып, алдағы уақытта партия атынан ұсыныстар беретін болды.
date-ico 01 Дек 2023 view 308

«Тарих – ұлттың айнасы» 01.12.23

«Ежелгі Тараз ескерткіштері» мемлекеттік тарихи-мәдени музей-қорығының қызметкерлері Мадина Мананбайқызы, Гаухар Сабырқызы «JAMBYL TV» телеарнасының «RAUAN» атты таңғы бағдарламасына «Тарих – ұлттың айнасы» тақырыбында тікелей эфирде сұхбат берді. Сұхбат барысында қызметкерлер «Ежелгі Тараз ескерткіштері» мемлекеттік тарихи-мәдени музей-қорығына қарасты Қарахан, Айша бибі кесенелерінің қайталанбас тарихына, кесенелерге қатысты аңыз, әңгімелерге тоқталып өтті.

date-ico 01 Дек 2023 view 304

Ұлттық валюта күні 2023

15 қараша – ҚР Ұлттық валюта күніне орай, «Ежелгі Тараз ескерткіштері» мемлекеттік тарихи-мәдени музей-қорығының ұйымдастыруымен «Қоғамдық келісім» коммуналдық мемлекеттік мекемесінің ғимаратында «Бабадан қалған қолтаңба» тақырыбында жылжымалы көрме өтті. Көрмеге ежелгі Тараз қалашығынан археологиялық қазба жұмыстары барысында табылған құнды әрі бірегей нумизматикалық жәдігерлер қойылды. Әр түрлі кезеңге жататын тиындар көпшіліктің қызығушылығын оятты.

date-ico 13 Нояб 2023 view 304

Адрес: город Тараз, улица Х.Бектурганова, №3

Телефон: 8 (7262) 43-08-26

E-mail: tarzapmuz@mail.ru

2022 © «Памятники древнего Тараза» историко-культурный заповедник-музей