«Ежелгі Тараз ескерткіштері» мемлекеттік тарихи-мәдени музей-қорығының қызметкерлері қар тазалау жұмыстарын қарқынды жүргізуде. Аталмыш тазалау жұмыстары Қарахан, Айша бибі кесенелерінде, Көне Тараз археологиялық саябағында, Ақыртас сәулет-археологиялық кешенінде, сондай-ақ Қали Жүніс моншасында жүргізілген болатын. Мекеме қызметкерлері жолды қардан тазартып, музей-қорық нысандарына келуші қала тұрғындары мен қонақтарына жайлы жағдай туғызу үшін қарқынды түрде жұмыс жасауда.

Ағымдағы жылдың 22 желтоқсан күні ҚР Мәдениет және ақпарат министрлігі Мәдениет комитетінің «Ежелгі Тараз ескерткіштері» мемлекеттік тарихи-мәдени музей-қорығы» РМҚК-ның ұжымына комплаенс офицері Дастан Сейітбекұлы Тапелов «Антикоррупциялық мәдениет және парасаттылық» тақырыбындағы дәрістің мақсатын, міндетін ашып айтып сөз сөйледі. «Ежелгі Тараз ескерткіштері» мемлекеттік тарихи-мәдени музей-қорығы» РМҚК-ның директордың орынбасары м.а. Сара Құрманова дүниедегі ең алғаш коррупцияның пайда болу жайы тарихын айтып, белгілері мен типтері, алдын алу жайында қысқаша баяндады. Аталмыш жиналыстың басты мақсаты – сыбайлас жемқорлыққы қарсы мәдениетті қалыптастыру, мекемедегі сыбайлас жемқорлық қатерлерін жою бойынша түсіндірме жұмыстары жүргізілді.