Қазақ халқының дәстүрлі мал шаруашылығы туралы тағылымды дәріс

«Ежелгі Тараз ескерткіштері» мемлекеттік тарихи-мәдени музей-қорығының «Ғылыми қызмет және ескерткіштерді қорғау» бөлімінің тарихшысы Ақдидар Жәнібекқызы М. Х. Дулати атындағы Тараз университетінің «Құқықтану» мамандығының 2 курс студенттеріне «Жазылбек Қуанышбаев және қазақ халқының дәстүрлі мал шаруашылығы» тақырыбында мазмұнды дәріс өткізді.

Кездесу барысында Жазылбек Қуанышбаевтың елге сіңірген еңбегі, қазақтың дәстүрлі мал шаруашылығының ерекшеліктері, сондай-ақ бұл саланың ұлттық мәдениет пен тарихтағы маңызы кеңінен түсіндірілді.