Түркістан қаласындағы «Әзірет Сұлтан» ұлттық тарихи-мәдени музей-қорығына іссапар
22 Сен 2025
138
«Ежелгі Тараз ескерткіштері» мемлекеттік тарихи-мәдени музей-қорығы» РМҚК қызметкерлері кәсіби
тәжірибе алмасу мақсатында Түркістан қаласындағы «Әзірет Сұлтан» ұлттық тарихи-мәдени музей-қорығына
іссапармен барды. Іссапар аясында музей ісінің сапасын арттыру және экскурсиялық қызметті дамыту
бағытында бірқатар кәсіби іс-тәжірибелермен танысу жүзеге асырылды. Атап айтқанда, экскурсия жүргізу
әдістемесі, келушілермен тиімді өзара әрекет жасау тәсілдері, тақырыптық экскурсияларды ұйымдастыру
тәжірибесі, сондай-ақ заманауи интерактивті экскурсия форматтары бойынша тәжірибе алмасу жұмыстары
жүргізілді.
Бұл іссапар музей саласындағы заманауи талаптарға сай қызмет көрсету мәдениетін жетілдіруге,
сонымен қатар екі мекеме арасындағы кәсіби ынтымақтастықты нығайтуға септігін тигізді.
16 Нояб 2019 
