Тарихтың тереңінен сыр шертетін Көне Тараз қалашығынан Қарахан дәуіріне тиесілі керуен сарайдың іргетасы мен алтын әшекей бұйымдар табылды!

Бұл – бабаларымыздың бай өркениеті мен Ұлы Жібек жолы бойындағы мәдени-экономикалық қарым-қатынастарының тағы бір дәлелі.

Керуен сарай – тек сауда орны емес, ол – саяхатшылардың, саудагерлердің, ғалымдар мен елшілердің тоғысқан рухани ордасы.

       Ал табылған нәзік алтын әшекейлер – сол дәуірдің сән-салтанатын, шебер зергерлердің өнерін көз алдымызға әкеледі.

Сен де тарихпен жүздес!

Көне Тараздың әрбір кірпіші, әр тасы – өткеннің үнсіз куәсі. Бүгінгі ұрпақ ретінде осы бай мұраны көзбен көріп, жүрекпен түйсіну – парызымыз.

       Кел, Тараздың алтын ғасырларымен қауыш! Тарихыңды таны, тамырыңды біл!