2021 жылдың 3 наурыз күні ҚР мәдениет және спорт министірлігіне қарасты «Ежелгі Тараз ескерткіштері» Мемлекеттік тарихи-мәдени қорық-музейінің тарихшысы Ибадильдаева Мадина Мананбайқызы М.Х.Дулати атындағы Тараз өңірлік университетінің оқытушыларына өмірімен де, шығармашылығымен де екі ғасырды молынан тұтастырып жатқан ұлы жырау, қазақ халқының ұлы перзенті, ақын, айтыскер, сазгер - Жамбыл Жабаевтың 175 жылдығына арналған «Жыр алыбы - Жамбыл» тақырыбында дәріс оқыды. Дәріс барысында ақынның тарихи шежіресінен сыр шертіп, ел бірлігін жырлаған жыр – дастандарына тоқталып өтті. Сонымен қатар, ақынның өмірбаяны мен ел мен жерді қастерлеуге, ұлы отанды сүюге үндейтін шығармалары жайлы баяндалып, ақынның құрметіне қойылған ескерткіштің тарихы мен құрылымы айтылды.