«Музейге сый тарту» акциясы аясында Тараз қаласының тұрғыны «Ежелгі Тараз ескерткіштері» мемлекеттік тарихи-мәдени музей-қорығының қызметкерлеріне келі сыйға тартты. Бұл жәдігер комиссиядан өткізіліп, құжатталып, музейдің негізгі және қосымша қорына өткізілетін болады. Өткен күннен сыр шертіп, тарихтан тағылым беретін, музей қорының басты байлығы, құндылықтары оның жәдігерлері болып табылады. Аталмыш акцияға барша қала тұрғындары мен қонақтарын белсене қатысуға шақырамыз!