ҚР Мәдениет және спорт министірлігі Мәдениет комитетінің «Ежелгі Тараз ескерткіштері» мемлекеттік тарихи-мәдени музей-қорығына қарасты діни ескеткіштеріміздің бірі, шаһарымыздың інжу-маржаны «Айша бибі» және «Бабаджа Хатун» кесенелеріне келушілер саны артуда. Бүгінгі кезекте аталған тарихи нысандарымызды Жамбыл облысының «Рухани жаңғыру» жобалық офисінің ұйымдастыруымен өтіп жатқан «Рухани керуен» жобасының қатысушылары: Сарысу ауданының құрметті азаматтары, ақсақалдар кеңесінің төрағалары, мәдениет қызметкерлері келіп тамашалады.