⠀       Кесене ішінде хужра бөлмелері бар. Бұл бөлмелерде кезінде шәкірттер мен сопылар тұрақтап, ілім

үйренген деседі. Хужралар – шағын әрі қарапайым бөлмелер. Олардың негізгі мақсаты – тыныштық пен

ойға шомуға жағдай жасау. Әр хужраның қабырғалары қалың болып қаланған, сондықтан жазда салқын,

қыста жылы ұстап тұрған. Зерттеушілердің айтуынша, бұл бөлмелерде діни білім беру, зікір жасау және

қонақ күту дәстүрі де қатар жүрген.

         Қарахан баба кесенесінің хужралары – тарих пен руханияттың тоғысқан тұсы. Бүгінгі күні олар көне дәуірдің тынысын сездіріп, сол заманның өмір салтын көз алдымызға әкеледі.

Егер жолыңыз түссе, кесенеге кіргенде осы бөлмелерге назар салып, ежелгі даналықтың рухын сезінуді ұмытпаңыз!