Қазақстан Республикасы Мәдениет және спорт министрлігіне қарасты «Ежелгі Тараз ескерткіштері» мемлекеттік тарихи-мәдени қорық-музейінің қызметкерлері, көктемнің алғашқы күні - Алғыс айту күніне орай тарихи және мәдени нысандарда, абаттандыру және көгалдандыру жұмыстарын бастап кетті. Сөзімізге дәлел, екі объектіміз де, «Айша бибі» және «Қарахан» кесенелерінде, көпжылдық қылқан жапырақты ағаштары «Арша», «Тянь-Шань көк шыршасы» ағаштары отырғызылып, қураған ағаштардың орнына жаңа көшеттер және де түрлі декоративті гүлдер егіліп, көркейту-көгалдандыру жұмыстары қызу жүргізілді. Осы сияқты игі бастама жалғасын таба берсін!