«Ежелгі Тараз ескерткіштері» Мемлекеттік тарихи-мәдени қорық-музейі Жамбыл Жабаевтың 175 жылдық мерейтойы аясында Тараз қаласындағы Тараз сервис және технология колледжіне жылжымалы көрме ұйымдастырды. Көрмеде Жамбыл өлеңдерінен постерлер орнатылып, ұлы ақынның ескерткішінің құрылымы мен тарихы жайлы мәлімет берілді. Сонымен бірге, екі мың жылдан астам тарихы бар, үлкен руханият орталығы, әлемдік өркениеттен ойып орын алатын Ежелгі Тараз қалашығының тарихы және қорық-музейге қарасты 30 тарихи-мәдени нысандардың тарихы мен аңыздары баяндалды.