Бүгін 15 қараша - Қазақстан Республикасының төл теңгесі күніне орай, Тараз қаласындағы екінші деңгейлі банктермен біргелікте өткізген іс шараға «Ежелгі Тараз ескерткіштері» мемлекеттік тарихи – мәдени қорық – музейі Көне Тараз қалашығынан археологиялық қазба жұмыстары барысында табылған нумизматикалық жәдігерлерден құралған көрмесін ұсынды. Облыс әкімі аппаратының «Қоғамдық келісім» коммуналдық мемлекеттік мекемесінің ғимаратында өткен аталмыш іс шараға 400-ден астам адам қатысып, көрмеге қойылған көне жәдігерлерді тамашалады. Әсіресе, Түргеш, Қоқан, Қытай және Ресей тиындары көпшілік қызығушылығын оятты.
Іс-шара барысында облыстағы жоғары оқу орындары студенттеріне арналған интеллектулды ойын ұйымдастырылды.