Аталған кездесуге өңірдегі Тараз қаласы мен барлық аудандарының Қазақстан мұсылмандары діни басқармасының облыстағы өкілдері, Христиан бағытындағы діни бірлестіктердің өкілдері, қала мен аудан әкімдерінің орынбасарлары, ішкі саясат бөлімінің басшылары, «Қоғамдық келісім» КММ-сі мен этномәдени бірлестіктердің өкілдері, «Дін проблемаларын зерттеу орталығының» КММ-нің дінтанушы, психолог және теолог мамандары, облыс әкімдігінің ақпарат және қоғамдық даму басқармасы мен БАҚ өкілдері қатысып, 120-ға жуық адам қамтылды.

Аталмыш іс-шараға қатысушы қонақтар кездесуден кейін «Ежелгі Тараз ескерткіштері» мемлекеттік тарихи-мәдени музей-қорығына қарасты «Көне-Тараз» тарихи этно-мәдени кешені мен «Ақыртас» сәулет-археологиялық кешеніне экскурсия жасады. Экскурсия барысында қонақтар Жамбыл облысының тарих және мәдениет ескерткіштері жайлы тың ақпараттармен танысып, музей-қорық экскурсоводтарына алғыстарын білдірді.