Ленинград облысының делегациясы Қарахан кесенесімен танысты

Ресей Федерациясының Ленинград облысынан келген делегация өкілдері «Ежелгі Тараз ескерткіштері» мемлекеттік тарихи-мәдени музей-қорығына қарасты Қарахан және Дәуітбек кесенелерін аралады.

 

Экскурсияны гид-археолог, өлкетанушы Искандер Торбеков жүргізді. Ол қонақтарға кесенелердің тарихы, сәулеттік ерекшеліктері және ортағасырлық Тараздың тарихи-мәдени мұрасындағы орны туралы мәлімет берді.

 

Тарихи ескерткіштермен танысу барысында делегация мүшелері өңірдің сәулет мұрасын зерделеп, көне Тараздың тарихы туралы мағлұмат алды.