Бүгін – Ұлттық спорт күні!
20.03.2026
Бұл күн – ата-бабамыздан мирас болып қалған ұлттық ойындарымызды дәріптеп, жас ұрпаққа насихаттайтын ерекше мереке. Соның ішінде қазақ халқының ең көне әрі қызықты ойындарының бірі – асық ату
Асық – тек ойын ғана емес, ол мергендікке, дәлдікке, ептілікке баулитын ұлттық тәрбие құралы. Ерте заманда балалар ғана емес, ересектер де асық ойнап, сайысқа түскен.
Асықтың әр қыры мен атауы бар: алшы, тәйке, бүк, шік – әрқайсысының өз мәні мен ережесі қалыптасқан. Бұл ойын арқылы ұлтымыз ұрпағын шымырлыққа, батылдыққа және шапшаңдыққа тәрбиелеген. Бүгінгі күні асық ойыны қайта жаңғырып, ұлттық құндылық ретінде кеңінен насихатталып келеді. Бұл – біздің мәдени мұрамыздың ажырамас бөлігі.
Ұлттық спортты ұлықтайық! Дәстүрімізді дәріптеп, келер ұрпаққа жеткізейік!