Ә. Х. Марғұлан атындағы Археология институтының аға ғылыми қызметкері Айтбаева Айгерім Есімқанқызы, кіші ғылыми қызметкері Саутбекова Ақбөпе Ғалымқызы және «Ежелгі Тараз ескерткіштері» мемлекеттік тарихи-мәдени музей-қорығының қызметкері Алимханова Ұлбосынмен бірге «Жетісудың ерте темір дәуірінен этнографиялық кезеңге дейінгі әйелдердің металл әшекейлері: ерекшеліктері мен сабақтастығы» жобасы шеңберінде ғылыми-зерттеу жұмыстарын атқаруда. Жоба аясында «Ежелгі Тараз ескерткіштері» мемлекеттік тарихи-мәдени музей-қорығының қорындағы металдан жасалған әйел әшекейлері туралы ақпарат жинап, фотоға түсіріп, ерте темір дәуірінен бастап этнографиялық кезеңге дейінгі жерлеу орындарынан табылған әйел металл әшекейлерімен салыстыра отырып, сабақтастықты анықтау және деректер базасын жинау. Аталмыш жоба аясында екі ұжым арасындағы ғылыми ынтымақтастық сәтті жалғасын табады деген үміттеміз.

2024 жылдың 2 тамызында Қазақстан Республикасы Мәдениет және ақпарат министрлігі Мәдениет комитетінің «Ежелгі Тараз ескерткіштері» мемлекеттік тарихи-мәдени музей-қорығында комплаенс офицері Д. Тапеловтың жүргізуімен сыбайлас жемқорлық тәуекелдеріне ішкі талдаудың нәтижелерін жария талқылау болып өтті.

Қазақстан Республикасы Мәдениет және ақпарат министрлігі Мәдениет комитетінің «Ежелгі Тараз ескерткіштері» мемлекеттік тарихи-мәдени музей-қорығына қарасты «Қарахан» кесенесінде кәсіпорын қызметкерлері өзінің негізгі жұмысымен қатар кесене аумағын толық тазарту, сондай-ақ тас жуу, ылғалды тазалау жұмыстарын жүргізу үстінде.

Қазақстан Республикасы Мәдениет және ақпарат министрлігі Мәдениет комитетінің «Ежелгі Тараз ескерткіштері» мемлекеттік тарихи-мәдени музей-қорығына қарасты «Айша бибі — Бабаджа хатун» кесенелерінде, кәсіпорын қызметкерлері тазарту, абаттандыру, көгалдандыру жұмыстарын жүргізу үстінде. «Айша бибі – Бабаджа хатун» кесенелері аймағындағы шөптер орылып, егілген ағаштар мен гүлдерді түрлі жәндіктерден залалсыздандыру, дәрілеу жұмыстары жалғасуда. Сонымен қатар, кесенеде сырлау жұмыстары атқарылып, ылғалды тазалау жүргізілді.