15 қараша – Ұлттық валюта күніне орай, «Ежелгі Тараз ескерткіштері» мемлекеттік тарихи-мәдени музей-қорығының қызметкерлері Марал Үшкемпірқызы мен Ақдидар Жәнібекқызы «JAMBYL TV» телеарнасының «RAUAN» атты таңғы бағдарламасына тікелей эфирде сұхбат берді. Сұхбат барысында музей-қорықтың қорында сақталған нумизматикалық жәдігерлер көрермендер назарына ұсынылды. Атап айтсақ, VII ғ. Таң әулетінің импорттық қытай монеталары, Қарахан әулетінің (Х-ХІІ ғғ.) монеталары, Түргеш қағанатының монеталары көрсетілді.

Ағымдағы жылдың 12 қараша күні Қазақстан Республикасы Мәдениет және ақпарат министрлігі Мәдениет комитетінің «Ежелгі Тараз ескерткіштері» мемлекеттік тарихи-мәдени музей-қорығы» Республикалық мемлекеттік қазыналық кәсіпорны мен Тараз инновациялық-гуманитарлық университетінің арасында ынтымақтастық туралы Меморандумға қол қойылды. Алдағы уақытта екі тараптар өзара тиімді ынтымастық шеңберінде тығыз әрі сенімді қарым-қатынас орнатып, бірлескен жобалар мен мәдени іс-шаралар ұйымдастырып, өзара ынтымақтастықты нығайтуды көздейді.

«Ежелгі Тараз ескерткіштері» мемлекеттік тарихи-мәдени музей-қорығының ғылыми қызметкері Мадина Мананбайқызы «Жамбыл» радиосының FM 100,8 әуе толқынында сұхбат берді. Сұхбат барысында ХІV ғасырда Талас өзенінің оң жағалауында салынған Тектұрмас кесенесі жайында аңыз әңгімелермен бөлісті.

«Музейге сый тарту» акциясы аясында Тараз қаласының тұрғыны «Ежелгі Тараз ескерткіштері» мемлекеттік тарихи-мәдени музей-қорығының қызметкерлеріне келі сыйға тартты. Бұл жәдігер комиссиядан өткізіліп, құжатталып, музейдің негізгі және қосымша қорына өткізілетін болады. Өткен күннен сыр шертіп, тарихтан тағылым беретін, музей қорының басты байлығы, құндылықтары оның жәдігерлері болып табылады. Аталмыш акцияға барша қала тұрғындары мен қонақтарын белсене қатысуға шақырамыз!